CorseCurteJugn#04 – Vuê o sin, doman no sin

#04 – Vuê o sin, doman no sin

Se pensìn un pôc parsore
cuant che il dì al vierç buinore,
vuê o sin, doman no sin,
a doprâ i minûts de ore

Ducj a san che in chest mont
nô sin nie altri che fituâris,
destinâts di vuê a doman
a fâ manties di bocâi

Tant al vâl doprâ chest timp
cence vivi asse intor,
mangjâ bevi e stâ contents
dongje un pan di just sudôr

E se i problemis da la vite
si presentin dentri il scûr,
mai butâsi in maluserie
che il soreli al torne fûr

E lassâ la vite a cori
viers la lûs dal indoman,
cul so cjar a cuatri ruedis
su pal net, o pal pantan

di Luciano Marinig (Potonzio)
#1286

1 comment