CorseCurte – La classifiche di Mai

O sin ai 16 dal mês e la zurie e scomence a jessi strache, ma e ten bot. E cun gust ancje, stant che lis contis a van indevant a dânus sodisfazion e fânus lei bielis storiis.

Chest mês, cul teme “cjasis“, lis contis a son stadis 23, un pocjis di mancul dal solit, e chest al vût dî ancje mancul ponts pe classifiche. O sperìn che il mês che al ven, cuntune teme une vore inmagant, la partecipazion ae gare e torni a incressisi, ancje parcè che cul mês in cors si assegne ancje la vitorie e il titul di Campion di Vierte.

Ma viodin la classifiche, che e viôt un pari merit di ben trê di lôr, in cheste zornade une vore scombatude!

Ce vino di dî? Che a son tantis contis che son plasudis a tancj, ma nissune che e vedi “spacât” come altri voltis. Lis trê scuadris che a jerin in teste par la jurie a son chês che aromai o cognossin ben, stant che a àn vût un rendiment une vore alt.

Cjicechepicjedispicjelacite, Real Cocâl e Borussia Dordul a son rivadis adiriture a pari, in cheste zornade, e dome il public al à permetût di fâ slungjâ il pas a dôs di lôr. Public che par altri al à premiât il Volketitrai-Liga, permetin un piçul sorpàs sul Atletic Gjatui. Ma la vere sorprese de zornade al è il Rosute Pelote, che al à poiât jù une conte che e je plasude a ducj e si è metude in zone Champions, recuperant un pôcs di ponts in classifiche gjenerâl. E altretant ben, al va dit, a àn fat il Lupusinfabula e il Vecjo Claes, rivâts propit a schene dai prins.

Un piçul passaç sot de lôr medie lu àn vût scuadris tant che il Sbreghebalon, il Copasse Blu e il Barba Pisul Stentadizza, che si viôt che no àn digjerît il teme de zornade.

Altri? Che ancje chest mês une vore di scritôrs a si son ficjâts dentri inte aventure e chest al è biel. E la classifiche, che e je dome un zûc, e je divertente propit par chel.

Ma viodin dal Fantacorsecurte!

Lussian, in teste ae classifiche, al à vût un passaç a vueit, cence votazion, e ducj chei daûr si son aprofitâts e a son vignûts sù in classifiche. Cumò e je devant Noemi Salva e Rosute Pelote (distacadis di un pont, ven a stâi nuie), ma par la gare di Vierte pardabon a podin vinci ducj i prins 10 in classifiche, soredut se o varìn une buine partecipazion.

Ma vonde cjacaris. Viodin la classifiche gjenerâl, pont di partence par individuâ il campion di Vierte.

Disìn pûr che se zuin i prins trê, ma abadait… un mês cence presentâ une conte e subit si cole inte classifiche… Si che… viodarin! Ancje se aromai i zûcs a parin fats par chei cuatn chi sot.

Benon! Al è dut e ancje masse par vuê.

Tocje a voaltris, cumò, scrivi la conte di Jugn!

Lasse une rispueste:

La tô direzion di pueste eletroniche no sarà publicade.

This site uses Akismet to reduce spam. Learn how your comment data is processed.

Pît di pagjine dal sît