Il teme pe Corse Curte di Avrîl

Di ogni sorte, tant che in chest Arcimbolt

Che di lôr al fâs un om

Che lis cognòs di simpri

Parcè che di li al ven il mont.

BESTIIS

Diferentis

Misteriosis

Fastidiosis

Preseadis

Maraveosis

Di ogni dì o raritâts

BESTIIS

Di cjase o salvadiis

Di tignî di cont,

Di mangjâ o di parâ vie

Di vê pôre

O di vê a cûr

BESTIIS

Dopradis par ofindi l’om

Lis divinitâts

O par paragons

Cence dignitât

Dopradis par companie,

Par puartâ vite

O puartâ gjonde

O dopradis e vonde.

BESTIIS…

Prontis a fa di metafore

Similitudin

Che o vin paronât

Ma che a duraran plui di nô.

Che nus coventaran simpri

Ma par lôr, noaltris, no.

BESTIIS

Chest il teme pe Corsecurte dal mês di Avrîl

Par che ogni corsecurtâr al parecji la conte sul nestri mantîl!

2 coments On Il teme pe Corse Curte di Avrîl

Scrîf un coment

This site uses Akismet to reduce spam. Learn how your comment data is processed.

Pît di pagjine dal sît