Cryptofriûl a Listize!

Pocjis peraulis par visâus di chest event. Al è il prin dal 2022 e sperìn che al sedi il prin di tancj! Ancje parcè che cun il puar Bisest il nestri Ostîr nol à podût fâ cuissà ce.

Cun Cryptofriûl invezit o tachìn propit a zuiâ in cjase, cuntune serade che e je la prime jessude uficiâl dal libri che al à vinçût il San Simon 2021, ma che e sarà une serade che magari e butarà une lûs ancje su chei altris libris dal nestri Ostîr.

E come simpri, fidâts e ferbints, Chei di Contecurte i daràn jutori e poie, par meti adun une serade vivarose e no stufadice. E cun di plui o vin un pocje di musiche dai canais di Gnespolêt… Insome, o vin pene fat Fieste pe Patrie… anin indenant a fâ ancje un pocje di Cryptofieste!

Sabide ai 9 di Avrîl, tor 20.45, li de Biblioteche di Listize! Vigneit!

Lasse une rispueste:

La tô direzion di pueste eletroniche no sarà publicade.

This site uses Akismet to reduce spam. Learn how your comment data is processed.

Pît di pagjine dal sît