CorseCurteAvrîl#2 – Il mus e il purcit

#2 – Il mus e il purcit

Un purcit a si vantave
Viers il mus il tratament,
Che il paron par lui doprave
In creance e sintiment

Bevaron a la matine
Bevaron misdì e sere,
E in forme tant ninine
Cocolât fûr di maniere

Chest purcit sa la gjoldeve
Intal cjoli a cûl il mus,
il paron mi da le polpe
E par te al reste il vues

A chest pont il mus rispuint
Cence pei te lenghe in bocje,
Benedet tu no tu sâs
chest Invier ce ch’a ti tocje

di purcits passâ ca dentri
ai viodûts ormai un grum,
ma rivâ di un an a l’altri
a no ai viodût nissun

e cussi sta pûr content
intal jessi ben tratât,
sot i trâfs intal sot scjale
tu saràs salam picjât

le to cjar sarà taçade
masanade dute a fin,
intai budiei par ben folcjade
e picjade in camarin

intal sinti cheste sentence
che il mus in clâr ja dit,
il purcit piart le baldance
cussì ancje l’apetit

a chest pont il mus profite
e al slungje il cjâf tal cjôt,
par mangjà tal laip le polpe
cul purcit cal vai e al viôt

sù coragjo i dîs il mus,
no mangjant tu vâs sot pês,
e il paron viodinti magri
po slungjâti cualchi mês

di ***

#12**