Il teme pe Corse Curte di Zenâr

 L’intrîc, James Ensor, 1890

Di Carnevâl
Lis primis che a vegnin tal cjâf
Par fâ pôre o maravee,
Par platâ o mostrâ ce che no si è,
Di une volte sole,
Di ogni tant
O ancje di ogni dì
MASCARIS
Mascaris che piçulis a deventin mascarutis,
Lis plui dopradis intal mont
Secondis forsit dome a chês di vite,
Che ducj, une cent o mil,
A doprin pene cussients
MASCARIS
Che di len, chenti, lis clamìn tomâts
Ma lis àn i strions, in Afriche,
O lis striis – le masche – intal mont dal inaltrò.
O chês dal miedi de peste
O chês che si metevin sui muarts
O chês che si doprin in teatri
O cu la int, devant de veretât.
MASCARIS
di ogni fate, di ogni ete
metudis o gjavadis
cence confin se no chel di vê un daûr
che no si cognòs.
Chest il teme par il mês di Zenâr
Par concorints di Corse Curte

Lote tra Carnevâl e Cuaresime, Pieter Bruegel, 1559

 

2 coments On Il teme pe Corse Curte di Zenâr

Scrîf un coment

This site uses Akismet to reduce spam. Learn how your comment data is processed.

Pît di pagjine dal sît