Pirulis di Aganis 5

Un vistît pes Aganis

Ducj o cognossìn la liende des aganis. Chestis bielis fantatis, che a puedin jessi ancje feminis vieris, e che a puedin puartâ buine fortune o berdeis par dute la nestre vite.
Stant che o vuei che nus puartin cetante fortune, o ai pensât di partî cuntun glimuç, no di lane ma di fantasie, par fâ un vestitin pe prossime lune plene.
E Sì!!! Voaltris o pensais che cuissà cheste domenie o podarìn cjatâle!!!
Par fâ chest vistît nus covente une cjarte blancje o pûr colorade. Al sarès miôr pleâ la cjarte colorade cussì lis aganis a metaràn sù un vistît plui fashion, inzornât al 2021.
Indicazions pal Origami

  • Cjolìn une cjarte cuadrade di dîs o cuindis centimetris.
  • Scomencìn a pleâ cu la bande blancje parsore, e o sierìn tal mieç.
  • Tornìn a vierzi. Cumò o puartìn i estrems fin ae prime pleadure.
  • Tornìn a zirâ la cjarte cun la bande colorade parsore.
  • Sierìn cun dôs pleaduris tant che si viôt cumò.
  • Tornìn a vierzi la cjarte cun la bande blancje parsore e pleìn di gnûf tal mieç, biel lassant un centimetri de distance di sore.
  • Cumò ripleìn in jù di cheste maniere.
  • Tornìn a zirâ la cjarte cussì. Stait atents di vê la bande colorade di sot.
  • Vierzìn i estrems disot, viers di fûr, tant che o viodês.
  • Tornìn a fâ la operazione ancje su l’altri flanc.
  • O zirìn di gnûf la cjarte e sburtìn viers jù par creâ dôs pleaduris in diagonâl. Cumò o vin i doi trianguls che nus son restâts.
  • Cumò pleìn viers dentri la alete laterâl e continuìn la pleadure in diagonâl tal flanc inferiôr, tant che o fâs.
  • Tornìn a fâ la operazione ancje su chê altre bande.
  • Ultin moviment, pleìn lis aletis viers di fûr. Cussì tant che o fâs.

O sin rivâts insom. O sin pronts par regalâ chest vistît aes Aganis.
O speri che us vedi plasût tant che a mi.

di Andrea Ventriggi

Lis aganis

Feminis bielis a jerin lis aganis
Di piel blancje tant che il lat che a bevevin.
Cun cjavei luncs e biondis
Vistidis di blanc a somein la aghe dal flum
Ni tristis ni buinis
Si compuartavin ben cun chei che lis rispietavin
Si inrabiavin cun cuei che i fasevin dispiets.
Di gnot al lusôr di lune si platavin par fâ scherçd a cui che al lave a pescjâ.
A jerin ancje feminis brutonis, tristis, maldertis
Vistidis come striis cun vistîts neris.
E i pîts voltâts par no fâ viodi di che bande che a vignivin.
contis, storiis contadis dai nonos, a son lis liendis dal popul furlan.

di Cristina Degli Uomini

3 coments On Pirulis di Aganis 5

  • Istrutive e simpatiche le conte di Andrea, a fâ i sartôrs par lis aganis, simpri mezis crotatis a suacara pas aghis, ancje se il voli nestri nol colave in displasè su tant biele viste. Lussian

  • E Cristina nus splee ben lis carateristichis di chestis aganis, indulà che i plats de belance e pendin di une bande ben, e di che altre un pôc mancul, a rivuart il lôr caratar, struture fisiche, e compuartamênt, tant al da che cumò lis cognossìn plui ben. Lussian

Scrîf un coment

This site uses Akismet to reduce spam. Learn how your comment data is processed.

Pît di pagjine dal sît