Pirulis di aganis 3

Une storie di aganis

Une volte o jeri cun la mê machine dongje il mâr. Di prionte o ai viodût une agane dentri de aghe. E veve un cuarp bielonon, une biele muse, ma invezit des gjambis e veve une code di pes. O fermai la machine e o lei a cirîle. Daspò di cinc minuts, cence cjatâle, o cjapai la volte. Cun sorprese o viodei la agane che e lave vie cun la mê machine.

di Daniel Ghidina
#1120

Contimi nono

«Nono, contimi ce robe sono lis aganis…»
«Frutin, lis aganis a son, di bande des liendis, des animis dai cors di aghe. Tu puedis cirîlis tal cors cuiet di un roiuç o tal cors businant di une flumere in plene».
«Puedio cjatâlis a buinore o dome di gnot?»
«A son plui visibilis tes gnots di lune plene. In tal câs, a son a balâ cun vistîts blancs. A voltis si viodin rapresentadis come fantatis bielis, altris come feminis avonde vielis, come tô none…»
«Judino lis personis?»
«Sì, gjeneralmentri. A àn insegnât a lavorâ la lane aes feminis e a fâ il formadi ai oms. Ma no stâ a disturbâlis parce che a puedin puartâti disfortune dute la tô vite».

di Pablo Martres
#1121

Mâr rabiôs

O navigavi intun mâr rabiôs, cuant che di un spissulot une agane blancje e angjeliche e saltà fûr par domandâmi:
– Ce fasistu in chestis aghis scjassosis?
– O voi a cirî un destin.
– Jo ti pues indreçâ.
E subit lis aghis si jerin cuietadis, di someâ un spieli di cristal.
– Cumò, cjale te profonditât e tu podaràs viodi te stes.

di Ricardo Gregoretti
#1122

1 coments On Pirulis di aganis 3

Lasse une rispueste a Anonim Cancele rispueste

La tô direzion di pueste eletroniche no sarà publicade.

This site uses Akismet to reduce spam. Learn how your comment data is processed.

Pît di pagjine dal sît