Ocuts

– E tu cui sêstu?
– O soi un ocut.
– Un ocut? Nus mancjave dome un ocut che al vegni s a contânus la sô conte!
– Mi clamin ancje becanot. Parfin becanele.
– E ce robe saressino chestis becanelis, chescj becanots?
– Cuant che un al si inçopede intune peraule che invezit des spalis a saltin fûr lis stalis, che i ceks a deventin cjocs cence vê bevût, che la psicologje e devente xzkrplogje, robis cussì, po! cChei a son becanots.
– Mai sintudis chês peraulis li.
– Ben, se no savês il furlan, us al dîs par talian: ‘una papera’. Une di chês falopis che ur capitin ai puartîrs di balon, ai cjantants, ai students, ai presentatôrs de tv e v.i.
– Ah!
– Vêso voie di cjatâlis, di viodi, di sintîlis ce maniere che a son fatis?
– Se propi si scuen!
– Nuie di plui facil: lait a scoltâ e a viodi il TG3 regjonâl dal Friûl Vignesie Julie (cence liniute). Li o cjatais ogni dì une sante razion di ocuts.
– Ocuts?
– O volevi dî becanelis. O volevi di becanots.

di Laurin Zuan Nardin
#1102