Contis vs Romanç: contecurtârs a confront

Su cheste Ostarie o vin plui di cualchi Premi San Simon. Franco Marchetta, Checo Tam, Laurin Zuan Nardin, Di Suald… a son ducj autôrs che a àn vinçût il premi plui innomenât pe Leturature furlane, rivât aromai ae sô 42sime edizion. (a proposit, al scjât il 30/6 e chest an al è par lis contis).

Ma i doi ultins vincidôrs, che si son alternâts tes ultimis 6 edizions, a son doi Contecurtârs une vore ben presincj, in chestis pagjinis. Un al è l’Ostîr, Rafaêl Serafin, e lu savês, e chel altri, di sigure o savês ancje chel, al è Zuanluche Franc (che aromai che o vin tacât a voltâi il non par furlan i tocje sopuartâlu)

Ben po… un al à simpri vincût cun dai romançs, e chel altri simpri scrivint contis. E i ultins doi lavôrs no àn fat ecezion. Un al jere Bisest e chel altri See the sky about to rain – balade par timps di ploie. Dal prin o savês ancje masse, e o vin un spetacul di Contecurte pront di meti in vore apene che si podarà. Dal secont o viodarin di meti dongje cualchi informazion in curt.

Po dopo, se volin dîle dute, Bisest nol jere dome une racuelte di contis, ma la storie contade e jere uniche… e La balade al è un romanc che si pues lei dividût a tocs, come se a fossin contis. E insome… al è curiôs viodi come che chescj nestris contecurtârs al somee che si barufin ma in realtât il lôr procès creatîf al pâr jessi une vore convergjent.

Al sarès biel metiu a confront e viodiu a discuti un cul altri, par domandâi alc di plui e scuvierzi i lôr segrets, o magari dome par viodiu che si sustin e si ofindin, cuissà. Ma che al sedi pussibil?

Par fortune sì!

MIERCUS AI 5 DI MAI, tor 6 sot sere, su la pagjine facebook dal Sisteme Bibliotecari dal Medio Friuli, in direte,

 

Zuanluche Franc vs Rafaêl Serafin

Romanç vs Contis

Veretât (forsit) vs Fantasie (forsit)

Dut intun unic apontament, intal prin di une schirie di 4 datis dediadis al Premi San Simon che us consein di tignî di voli. Ve chi sot la locandine complete! E… si viodìn Miercus!

 

Scrîf un coment

This site uses Akismet to reduce spam. Learn how your comment data is processed.

Pît di pagjine dal sît