Vôs de Basse… no je finide!

Come che o savês, noaltris di Contecurte o sin dai prudeladôrs di un dai pôcs concors par contis curtis in lenghe furlane che a pontin, in gjenerâl, su la narative curte e sui zovins.

Chest concors al è Vôs de Basse e l’an passât, propite inte ocasion de premiazion e je stade la ocasion par fâ l’unic spetacul dal an par noaltris di Contecurte. L’Ostîr, il Famei e il Berlon si jerin vistûts di Ninja furlans e si jerin sfidâts cu lis leturis des contis.

E tantis contis di chê edizion a jerin stadis mandadis ancje di tancj nestris contecurtârs, che a vevin cjapât in peraule l’invît de nestre Osterie e cirî di tignî vivis lis iniziativis buinis cu la partecipazion. Insome… pûr trop i ultins timps a son tornâts a jessi bruts come chei di un an fa, o cuasi, e scrivi une conte par un concors, cun dut che si vincin bêçs in libris, no je la robe plui impuartante. E il concors al veve îr come scjadince.

Po bon… se no vês partecipât, o pûr se o decidês di partecipâ cun spirt di gust par il scrivi una conte par furlan, o ancje dome parcè che al è biel sostignî une iniziative biele, ve chi, une biele gnove par ducj.

Il Concors Vôs de Basse, rivât ae sô cuarte edizion, al à viodût un sprolungjament de scjadince, che cumò e je stade puartade ai 17 di Mai. Insome… ancje se o scuvierzês cumò de esistence di chest concors, o vês dut il timp par scrivi une conte curte di mandâ al Sportel Associât pe Lenghe Furlane di Cjarlins, Muçane, San Zorz, Prissinins, Gonars, Porpêt.

Che po, la idee dal concors e je soredut chê di dâ Vôs leterarie a une zone furlane come la Basse che e à vût une vore di altre int che une vôs le à vude, come Alviero Negro, Gina Marpillero, Pre Zaneto, Tita Marzuttini, Luigi Morandini e Pierluigi Visentin… e contâ une storie, o une poesie, o voltâ un toc par furlan, o sburtâ un student a scrivi alc, e je une buine maniere par tignîsi vîfs e tignî vive la basse furlane. Sul sît de Filologjiche o cjatais il bant cun dutis lis indicazions par partecipâ.

Ma za che o sin in vore, ve chi che us metin il leam par il download dal Bant Vôs de Basse 2020. che cumò al scjât tal mês di Mai!

Scrivêt, scrivêt, scrivêt!

3 coments On Vôs de Basse… no je finide!

Scrîf un coment

This site uses Akismet to reduce spam. Learn how your comment data is processed.

Pît di pagjine dal sît