Lis mudantis

Al jere Istât. A Gonars a vevin  organizât un pelegrinaç a Madone di Mont. Mê mari che e veve tant ce ringraciâ ae Madonute, e cjape part.

Jo o vevi 4 agns e o soi restade cun agne Catine che par dî il vêr no veve tante pazience. La mame e je partide a buinore lassantmi a durmî.

A lis vot, agne Catine e ven a sveâmi, prin di dut lis orazions e po e scomence a vistîmi: prin la cotulesot, il vistidut e dopo i scarpets, mi lave la muse, mi petene, e po jo o ricuardi che no mi veve metût lis mudantis… puarete, jê no lis doprave. E cussì che a fuarce di vitis mes a metudis.

Tor lis nûf di sere mê mari e torne a cjase.  Agne Catine i conte che o soi stade triste dut il dì, che o volevi gjavâmi lis mudantis, insome che le ai fate deventâ mate. Rivade la ore di lâ a durmî mê mari mi à disvistude, oh sorprese!!!

Agne Catine mi veve metût lis dôs gjambutis intune sole gjambe des mudantis, sigûr che o soi stade triste dut il dî, si no podevi  nancje  cjaminâ! Mi crodêso che le ai fate deventâ mate?

di Anute Leonarduzzi
#1071

4 comments