Scoltecurte – Scoltait la vuestre conte!

O vin voie di meti adun une altre iniziative!

Une robe facile, parcè che o vin pensât che in nestris contecurtârs, in chest periodi di Sierade, a son un pôc sflacjons, cu lis contis. E dongje di chest o vin pensât che l’esperiment di podê scoltâ lis contis dal sît (o di Spotify, o di altris puescj simii) al jere vignût une vore ben. E alore?

Alore o vin pensât di stiçâus!

L’Ostîr al à invidât dute la sô Clape, dal Famei a la Massarie, a sielzi une conte che al à voie di interpretâ e di lei, tra dutis chês publicadis su la Osterie fin cumò, in maniere di meti dongje une schirie di scoltis, magari di contis che us son scjampadis o pûr che al sarà un gust sintî scoltadis.

Cussì o proviodarin a fâ lavorâ un pôc Chei di Contecurte che a stan plui dibant e o podin tornâ a tirâ fûr il nestri Scoltecurte, la iniziative che o vevin metût adun cualchi mês fâ par lei lis contis a cui che al telefonave al Ostîr. A proposit… E l’Ostîr al staial cu lis mans in man, simpri a comandâ?

Eh no!

Ve chi che a jentrin in zûc ducj i contecurtârs, comprendûts Chei di Contecurte. L’Ostîr, di vuê fin ai 16 di Otubar, date de Conte dal Mês, al spiete lis vuestris contis e jenfri dutis chês che a rivin in chescj dîs al sielzarà chê (o chês) che i plâs di plui e la leiarà lui!

Si che duncje, cheste e sarà La Prime Scoltecurte!

E alore su, scomençait a pensâ une conte di scrivi e di mandânus, par podê Scoltâ la vuestre conte.

1 coments On Scoltecurte – Scoltait la vuestre conte!

Scrîf un coment

This site uses Akismet to reduce spam. Learn how your comment data is processed.

Pît di pagjine dal sît