Ta chê sere dal grant aiaron, ta chê lamie domenie, visât di un amì o soi lât sul cjast e dal barcon le ai viodude: une lûs di colôr narançon e passave tal cîl di soreli a mont fin a soreli jevât.
E jere la Stazion Spaziâl Internazionâl.
O volevi saludâ chei oms e chês feminis. Lôr, libars, par aiar. Sierâts come nô ma almancul a vevin lis stelis di cjalâ e sot di lôr la Tiere. E no vevin l’impest. E jo cemût mi sintivio? Presonîr e in colpe se o metevi il nâs fûr. Sierât come intune fuartece. Difûr chel aiaron che mi dave la sensazion di impotence, di decjadince. Une lûs narançon e je bastade… pôcs seconts di passaç a àn colorât par chel pôc timp chê grise domenie.
2 comments On ISS
Il piês mâl di chest mont nol cope come une libertât gjavade
Pingback: CovidCurte Day 20 – La Croniche | Contecurte ()