Che dire? Letta tre volte, e non basta mai. Bellissima conte, profonda drammatica risolutiva.Grazie per la canzone di Tom
Une domenie pacifiche
Driiin, driiin… il telefon al sune, une, dôs, trê voltis, ma a son lis siet di matine, e je domenie, pussibil che nancje vuê no si podedi stâ cuiet.
Uff, tocje jevâ sù dal jet cui voi ancjemò sierâts, a scûr te cjamare, o voi a palpon, finalmentri lu cjati, i rispuint, e je mê fie, la plui viele, Federica: “Pronto… come mai mi sveistu a chê ore chi, ce sucedie?”
di chê altre bande dal fîl: “Pai, no rivi a durmî, e je plui di une ore che une çore e bat sul barcon, le mandi vie, e torne e vie cussì, ce puedio fâ?”.
o stoi cidin un moment intant che o pensi.“Un moment che mi meti alc e o ven sù a Rivignan, ma il Fiore isal a durmî? Nol puedial viodi lui da la çore?”.
Mi rispuint un tic fastidiade: “Al è lât a pescjâ trute, vuê e je la viertidure de pescje”.
Ancjemò intorgulît: “O rivi”.
Une bussade a la femine che nancje no à sintût il telefon, o partìs cence nancje lavâmi la muse.
Rivât a Rivignan, o suni il campanel, o alci i voi al cîl, vele la çore dute sburide che e svole.
Infin si vierç la puarte, o fâs lis scjalis in doi salts e o rivi in cusine.
Mê fie cun in man une scove e vose: “Pai, viodile…chê brute bestie, mi cjale cun chei voi neris come il diaul, mi fâs pôre!”
Le cjalie mi sbrisse di ridi, i vierç i barcons e la çore di sburide e plui svelte e jentre in cusine, mê fie e tache a sberlâ, e fâs plui pôre jê che la çore.
Svole di ca, svole di là e ce fasie? E bute i voi parsore la stue dulà che e jere une guantiere cun cueste, luianie e polente vanzade la sere prime.
Si poie e e somee che e ridi, mi cjale e e tache a becâ ta la guantiere, viodile e môf la code come il cjan.
A chest pont, jo e mê fie si butìn sul sofà, le cjali e i dîs: “Met sù une gote di cafè intant che la çore e finìs di mangjâ”.
Jê e tache a ridi e si invie a preparâ il meretât cafè.
di Emanuele Franzo
#817
2 comments
Lasse une rispueste
Dutis lis contis
Un mesut fa, l’ostîr e Gianluca Franco a son lâts a fâ une comparsade intal cors di furlan de nestre coghe Serene. La serade, a Prissinins, nus pâr lade ben, e l’ostîr si è ancje inventât une cjatade che no us disvelin ma che si fonde sul principi dai dadui. Ai corsiscj al è stât domandât di scrivi une conte cun 4elements sielts par lôr. Ben po… doi di lôr (par cumò) a son rivâts a butâ jù la conte e noaltris de ostarie o sin une vore contents, parcè che fâ scrivi par furlan un che nol varès mai pensât di fâlu al è une vore biel. Cheste e je la seconde conte, che e cole juste juste vuê che je domenie, e che nus cjacare di une Cheche… cuissà mai ce che e volarà mai une cheche di domenie matine. No us reste che lei par scuvierzilu. E un grassie ancje a Emanuele che ancje lui al à rivât a meti dongje i elements dal zûc! E lu spietin par la prossime
Mi plâs le conte di Emanuele, pal fat che mi à puartât indaûr di setante agns; in chei timps o vevi arlevât une cheche di nît, e ogni volte che pompavi le gome de biciclete no cjatavi plui il capelet de valvule, dopo mi soi n’ acuart che le cheche ju faseve sparî volte par volte.Une ventine di agns dopo comedant i cops de tiese, e vignivin fûr dome capelets. Lussian