L’origine del mondo – aiarin

Insome, o savês aromai i vizis dal gno amì Pieri. Nol è un segret che i plasi la pantiane ma cheste sô manie a lis voltis i à partât cualchi brute sorprese… come chê aventure che al veve vût pai cjamps cuntune biele morate. Lui al jere lât cul Ape a cirî ûfs di fasan. Parchegjât il mieç intune stradele a ôr de Napoleoniche ve che di un blavâr i salte fûr la nere e i dîs: “Vieni, amico, io lavorare bene… solo trentamila!”
Lui, cantesemât a viodi chê sorte di luvris, nol veve pensât dôs voltis: le veve cjariade sul Ape par lâ plui in jenfri ma al veve fate pocje strade. I Caramba – maladets!- a jerin in vuaite propite ta chei paragjos e no spietavin altri… e cussì, nancje scomençât l’atto, Pieri al jere stât sistemât: secuestri dal mieç, 300 mil francs di multe e denunzie par ATTI OSCENI IN LUOGO PUBBLICO.
Alore di chê volte Pieri si è fat plui cauto.
Une sere i soi compagns di vore de fabriche lu vevin menât intun nait a viodi ‘spogliarello’; e alore i rive dongje une bionde sui 30/35 agns… juste par lui po… ah, sì sì… mi à contât dut, l’om…
Si clamave Emazia e, dopo ve fat cognossince e vê bevût insieme un cocteil clamât F*G*, tant par restâ in teme… vie tal separè! L’omo mi à contât ogni particolâr de sô strambe venture. Lui i veve lecât un pît par 50 mil francs e po la fantate si jere gjavade dut e si jere mitude sentade sul sofà cu lis gjambis par aiar e i veve dit : “Guarda la posizione thailandese… puoi scegliere…”, insome, se no sês cjastrons o varês capît che e veve in mostre lis dôs busignelis! Pieri al sgance altris 30 mil francs e si apreste a meti la muse li des busignelis… e ce fûc che i ardeve dentri! Ma propit sul plui biel la bionde… i mole une biele… pedeade!
di Milio dai cjans
#460

34 comments On L’origine del mondo – aiarin

  • Chel "cantesemât dai luvris" al è une perle di furlan. Pecjât pal puar Pieri: cjare che pedeade. Bepi

  • ma insome o sin senza ritegno! tu laraas a confessati Milio!

    (L'abate Farìa)

  • milio,trente di onorari,altris 300 di multe, plui 50 pal pit ,plui altris 30 pas comissuris ,zontant il valor dal mieç secuestrat,plui il bevi,cui sà tropis maludizions che pieri l'à mandat tal doman a che biade femine che à metut il clostri a lis cjasis viertis di ir

  • Eh, lu savevi che o varès stiçât un pôc cun chest ricuart… ma lis robis a son cussì e tant valeve contâle juste… e larai ancje a confesami se il plevan mi ten bot
    Mandi a ducj e gracie pe leture.
    Milio

  • Milio, âstu fât câs che cuant ch'a si tocjin cierts cantins al è simpri un "Mah" ta lis reazions. Ca sedi cualchi femenute ch'a si ofint e nus tire lis orelis? Bon o larin a confessâsi alore. Bepi

  • Bepi, stant che il titul al prometeve cuissà ce grande composizion leterarie – il riferimênt al cuadri di Gustave Courbet "L'Origine du monde", dolà che si intînt celebrà il cuarp feminin – la conte in cuestion mi à lassade deluse.
    Confessâsi? ma no, ma no, o consearès, plui tost, di là a Parigi al Musée d'Orsay a contemplà il ritrat…
    Altris Mah non dai mitûts e o condivîd che chel "cantesemât dai luvris" al è une perle di furlan.

  • Curiosa derivación "di cheste conte"… No conocía el cuadro de Gustave Courbet y a raíz del comentario busqué en Internet, donde encontré no solo la pintura sino también muy interesantes apuntes sobre la fascinante historia del cuadro que, a mi entender, podría ilustrar perfectamente "la posizione thailandese". Un salût e mandi.

  • Ophrys e Oscar, o scomet che no 'nda vude mai tante publicitât chel cuadri, ch'a lu cognossevi, come cuant che Sgarbi a si fât fotografâ dongje che opare mestre e metude su Facebook. Par pandi che tirâ fûr cierts cantins al paie, isal just Milio…simpri miôr Gustav Courbet che no le Ape. Bepi

  • Orpo, no savevi nie di Sgarbi, cumò mi soi inzornade… ma alore o sugjerirès all'ostîr di tagà le conte come jenar erotic invezi che ironic, parcè le prose a mi ricuarde une vore Bukowski.

  • ahahaa la posizione tailandese mi ispire une vore e cumò voi a viodile ancje jo! E tagade ancje la conte come erotiche.
    E par gno cont, ancje jo varès metût un mah, come conte, ma a mi lis storiutis di paûs di milio mi plasin propit par chel mah, che ti gjavin fûr, dopo magari vêti gjavât une ghignade 🙂

  • Parmi il gienar erotic o ancje pornographic al è simpri stât considerât di serie B o C dai varis "soloni" e benpensants che a àn simpri di disi la lôr, dutcâs il biel di Milio al è che al à coraç a pandi storiis su chês robis. Jo propite no rivarès a fâlu al so nivel e par chest mi ritint un coward.
    CT

  • PS
    Il cuadri di Courbet no si podeve metilu, o crôt, di sigûr cualchi bigot al varès fat il fisco…
    CT

  • Ben sgnacade a chel sporcacjon di Pieri! Brave la blonde! /CT

  • insome, o ves capît che il nestri amì milio al è une persone masse studiade, ma no soi sigûr che ducj e an cjapât il riferiment al libri "il soffio vivo" di Henri Maspero, ch'al fevele di taoismo e immortalitât, magari s'o ves voe di lei alc tal argoment, cjolêt alc di plui introdutîf, ancje se inte chiste piçule conte nol è avignude nissune "introduzion"… ah,ah,ah p.s. scusait se il gno furlan no l'è scrit in mût "ortodos" ma no soi di marilenghe… un di cividât

  • Glab! sâr di Cividât… no vevi propit pensât a un riferiment a Henri Manspero… ma alore Milio al è plui babio di ce che si pense…
    /CT

  • Tant rumôr par une soflade, par di plui pôc profumade, vere Milio. Discomodâ pitôrs, scritôrs e filosofiis par cirî profum di garofui là ch'a no 'ndere. Cuistion di busignelis masse tacadis? Bepi

  • Milio, durmistu?
    CT

  • ma si, scomodin ancje Dante « Ed elli avea del cul fatto trombetta. »
    (XXI, v. 139)

  • Milio,Milio,cu le to conte atinent lis valvulis di sfogo corporals tu as dismott storie, piture, leterature,e cetant che jo no sai. Forsit saress di dopra le to tecniche tai esamps di scuele indula che a la domande "chi era Dante"le rispueste e fo,chel dal vueli. Brao Milio,vivi la braure dai toi scrits. lussian

  • Uah uah uah uah… e je vecje la storie dal vueli! Nol è mâl ma spietìn mo che al ledi in ufiarte…

  • Robononis! O sin tal imaginari di un scojonament total …..

  • Tant par sta in teme, cui esie Orphys Apifera ?

  • Raff BB Lazzara,
    le Ophrys e je une orchidee salvadie che somee dal dut a une âs femine. Il so profum, simil ai feromons feminins, al tire i masclis da le specje imitate. Cescj, difat, apene saltâts fûr dal lunc periodo di inativitât invernâl, in cercje di feminis, che si svearan plui tard, si dimenin parsore il lavrut de Ophrys tal van tentatîf di acopiasi.

  • Milio, viôt ce davoi che a discjadenarin cun la tô conte, clamant a judizi la flore e la faune dai plui alts nivei pitorics e leteraris. No ti parial che cualchi scuelât in materie, al dovarès fâ un studi sociologjic su la faune umane?

  • Cjar Milio, culì tu riscjs il tribunal dall'incuisision.

  • … e no vin nancje di trascurà i afresc di Pompei, chei da lis termis suburbanis, veh!

  • Alore Ophrys apifera rispiet a une vere femine e je une real doll, se al va ben, opûr une bambola gonfiabile dozzinale, se al va mâl… se un siorut espert al à dit che e atire i umign des âfs…
    L'abate Farìà

  • Abate Faria, no jere ta lis mês intenzions scjadenà sgradevoleze in ta cheste ostarie, cussì come che che lui a le manifeste tai miei confronts. O volevi nome muvimentà un tic il torpôr estîf, in reson dal fat che par ve mitût un "mah" dopo vè let la conte, Bepi al veve scrit "Ca sedi cualchi femenute ch'a si ofint e nus tire lis orelis?"
    Par tant mi confesi, chescj a son miei alias Ophrys apifera, Barbaricia, il botanic (il siorut espert, a siò di!) e l'archeologo.

  • Ustiment, si barufe… Par tornâ a la storie in cuistion e je pûr vere che cuant che si tire in bal il sesso al è simpri un grant interès… orêso disi il contrari?
    CT

  • E ce balon chest sît? Indigjestion di sushi, di bistechis e di hamburgers! Dann…! Uffà! Jo no soi un robot!
    CT

  • Jo no manifesti sgradevolece tai siei confronts, Ophrys apifera… o ai nome fat il parangon su la orchidee in cuistion…
    Abate Fària
    (no plui Farìa… parcè che mi samee plui just, plui furlan Fària… a 'nd è tantis fariis in Friûl… no?)

  • Cui sa parcè che il nestri Miliut nol scrîf mai nuie… se nol è bon di doprâ al interdèt a podarès fâ judâsi… al sarès biel savê trop che di cheste conte al è vêr e trop che al è di fantasie…
    CT

  • Po ben, se 'l cûl us ispire tante culture e si no podês lâ a Parigji al Musée D'Orsay, che fra l'altri si no m'impâci a dî ne monade a jere une stazion che aé stade trasformade in museu da une architete furlane nassude a Palazzolo dello Stella:Gae Aulenti e che ducj i furlans a vressin di savê par pôc che a s'interessin di frice:-) Tant par nomenâ cheste peraule cussí tipiche che inmó nissun furlan al à olsât glorificâ come ch'al lu a fat Giorgio Baffo http://furlanar.blogspot.com.es/2009/09/don-baffo-don-jaio-e-done-frice.html
    Al sarès ore che cualchidun al si meti a fâ il Pushkin e contânus altris contis di cûl o di di cûr e biecemai dî a Done Bete che se la Gae e fat il museu al Palaçûl al reste inmó fricis:-) Mi riferís a chel contadin che al à scrit cul tratôr le peraule Figa seben al pensave di sigûr par furlan, e che si puès scuvierzi cun google cuant che si svuale li ator.
    Jaio

  • Ah… a propuesit di museus e palaçs varis… ce pensaiso de La Nuvola di Fuksas?
    O si scrivial Fucksas?

    Amì di Nehoda

Leave a Reply to Anonimo Cancel Reply

Your email address will not be published.

This site uses Akismet to reduce spam. Learn how your comment data is processed.

Pît di pagjine dal sît