Al oreve puartâ la Rai sul telefonut chel politic panzon cu la muse plene di bielecis; e la sô amie bionde, che e comandave il ministeri di no sai ce, e veve il desideri di traghetâ dute la int tal 2.0.
Ma lôr no vevin fat i conts cuntune tremende tampieste solâr e cul bloc dai imprescj eletromagnetics di dut il mont civilizât. Si imagjinaiso i avions che a colavin? I computers di dut il mont in tilt… i frigorifars vuasts, la Mercedes di Hamilton che e leve fûr strade a Abu Dhabi par colpe de eletroniche vignude a mancjâ intune curve… i siorats blocâts su lis teleferichis a Sant Moritz, la portaerei USS Reagan isolade tal mieç dal mâr ocean a larc di Diego Garcia… e dut a cause di un impuls… di une robe vignude dal soreli…
Ma Mahmoud Ben Ali nol veve di chei problemis. Partît di Timbuctù cul so fidêl dromedari plen di vivars e di aghe… al podeve afrontâ il desert… al veve ancje des trapulis e al varès podût caturâ cualchi pantianute di chês cu lis çatis daûr lungjis. Sì, Mahmoud nol veve vût casins par vie di chel impuls… lui si sbateve lis balotis.
di Checo Tam
#415
19 comments On Pantianutis
Checo ce pôre! O ài pensât a la puare Samanthe su la ISS ch'a no podeve tornâ ju dal cîl e si pierdeve vie tal spazi… biade je a varès dute la robe di scorte là sù, tant che Mohammed! Bepi
Nol sarès tant di scherçâ cun chês robis… opûr al bastarès ancje un lamp Gamma o il solit meteorît… che al sedi vuê, tra mil o tra un milion di agns ma la vite dai umign su la Tiere non durarà adilunc… il planet no nus parten… lu vin cjapât ma o podaressin pierdilu…
CT
PS… Bepi, mi mancjin i tiei intervents astronomics… o ai savût che si rivarès a viodi Miercuri ta chescj dîs… timp permetint e dopo e je ancja la comete…
Checo, s'a tu ses bon di sbusâ lis nulis to podis viodi benon Vinar e Miercuri tor l'imbrunî, subit dopo il tramont. Vinr a no tu puedis sbaliâti al è come un biel rifletôr de bande dal Soreli a mont, Miercuri plui debil subit a drete. Un pôc plui tart viers lis 21-22 di che altre bande, val a dî viers Soreli jevât, un altri rifletôr ancjemò plui bocon al è Jupiter, Joibe. Par viodi la comete C 2014 Q2 Lovejoy al covente un bon binocul e cjalâ te costelazion dal Taur dongje le stele Aldebaran. Sul sit chi sot a tu cjatis le orbite fintremai la fin dal mês
http://astronomiapraticapertutti.blogspot.it/2014/12/comet-c2014-q2-lovejoy-una-cometa-tra.html
Bepi
Checo io no sai se sucedarà, ma o vevi sintut timp indaur che un studiat disè che la ultime nestre sorevivence e sarà propit di cjar di pantianis, dopo no sai se di çate lungje o curte. Lussian
E je pûr vere che lis plui grandis deratizazions a son stadis fatis in timp di grandis cjaristiis. Bepi
Mah,Bepi sperin resti in pins cualchi cantine di pode manda ju chel bocon cun cualchi tai di bacò o clintòn, a confondi la divignince di chel cicin. Lussian
Je suis une pantianute
Nelo
No mi plâs clamâ Giove ni Jupiter e ni Joibe in cuant che Joibe, a mio avviso, al è plui propriementri il non de dì e no dal planet o pianeta chedirsivoglia… insome a ûs sabide… joibe come sabide, no? Propongo quindi di chiamarlo Jôf!
CT
PS Grazie per le delucidazioni preziose in campo astronomico!
CT
Checo, o ài sbaliât a scrivi, volevi dî Jupitar ch'al è ce ch'a prescrîf il dizionari furlan talian. A no mi plâs nancje a mi e in merit o ài vût un confront cun Nando Patat, un astrofisic furlan ch'al è il coordenadôr dai telescopis dall'ESA; a lui ai plâs Jupitar e a mi invezit mi plaseve plui Joibe, a ti Jôf. A varessin di fâ un referendum, ce disistu? Bepi
Biele Galliano, cuissà cetantis remenadis ch'a i àn dadis i plevans a lis nestris nonis cul lôr latinorum.
Par chei che àn voie di viodi la comete, baste dai un cuc ai sits chi sot, ch'a son dôs fotos fatis dal gno amì Rolando Ligustri dal Circul Astrofii CAST di Talmassons. Lui al rive a cjalâ une vore lontan cul telescopi rimit. Bepi
http://www.astrobin.com/149764/
http://www.astrobin.com/149765/
Buine la idee dal referendum par clamâ Giove par furlan. vuê di binore a lis 6:40 a Udine o ai viodût un OVNI, Des dimension propite di Giove, cun lûs blancje; te zone dal cîl dal Cjar Mat. L'ogjet si moveve di soreli a mont (W) e ENE e man man al pierdeve di intensitât. Che al sedi stât un satelit? CT
E jere cuasi di sigûr la ISS la Stazion Spaziâl Internazionâl, che di Samantha, che parsore Udin e je passade aes oris scritis tal sît chi sot. Bepi
http://www.heavens-above.com/PassSummary.aspx?satid=25544&lat=46.062&lng=13.242&loc=Udine&alt=98&tz=CET
Grandissima libidine! La ISS? cui sa se mi capite di viodile ancjemò! Vuê al è innulât… sperìn tai prox dîs…
CT
Uhm? Clamâ Gjove? Mah? Iôf di Montasio?
Bebalonçarsfan allonsanfan ovinfan
Par chei ch'a i plasin lis cometis, cjalait chi sot. Bepi
http://spaceweathergallery.com/indiv_upload.php?upload_id=107783&PHPSESSID=igm13k1id45milnb5f7pf3dq95
Ce pecjât che dal 1843 no fossin lis fotos,,, no jerie une comete lungje un tierç de volte dal cîl?
CT
A no jerin fotos ma 'ndere int ch'a scriveve. Prove a viodi tal sît chi sot. Ma pensait a ce ch'a nus a passât sot il nâs usgnot passade cul asteroit e i sô satellit. Bepi
https://books.google.it/books?id=yjZV8ed36GIC&pg=PA117&lpg=PA117&dq=gran+cometa+1843&source=bl&ots=MaNucotpsj&sig=0ZmoJI2StXzhh8jlwFYBed6X1Y8&hl=it&sa=X&ei=upbHVIzULI3jO6KQgegM&ved=0CGEQ6AEwCw#v=onepage&q=gran%20cometa%201843&f=false
http://www.ansa.it/scienza/notizie/rubriche/spazioastro/2015/01/26/oggi-appuntamento-con-un-asteroide-da-record_13ec518b-1f13-4f64-a10d-81b2eb31e6d0.html