Francisco Goya – Il grant cjavron
(Vueli su tele, 1797-98, 44×31)
(Vueli su tele, 1797-98, 44×31)
Il cjavron si sentà devant dal so trop, supierbeôs e braurin. Dôs cence pudôr si pocarin, intun riduçâ di vogladis, malignant sui cuars, che al veve luncs di sigûr fin tai nûi. Une vecje sgrembie e ufrive ae bestie il cjâf di un zovenut malmadûr, cence ni art ni part; une altre e cirive di imbacucâlu cun voi di adorazion. I oms, cidins, e svualetavin ator de bestie, par figotâle, spietant il moment just par fâsi viodi biei denant dai siei voi. Cun ande cerimoniose, l’Aministradôr Unic de grande S.p.A. al gjavà de borse la sô agjende e al declarà vierte la riunion.
di Rafaêl Serafin
#351
3 comments On Il Consei
Biele Raffaele,disaress, un vistit cal cjalce ben il mont di vue.Par furtune cualchidun al proviot a slungjai icuars fasint cerimoniose riunion ta s.p.a. de sio parone,uniche sodisfazion di noaltris puars sotans dentri un mont mal globalizat, disaress inglovat. Lussian I W 3 QRC
Eh, biel e vêr cuadrut! No si dîs ancje che i beçs a son la miarde dal diaul?
Eh si, in efiets, cun chest cuadri, la prime idee che mi è vignude iniment e je propit che dai bês e de maniere che a zirin…
graciis par il preseament. Al prossim cuadri!