E je vignude la ore di meti in polse, come che o vevin dite, la nestre Ostarie e cirî di gjoldisi il cjalt, profitant par pensâ ai progjets pe prossime stagjon.
A ogni mût, come che o vin anticipât, la publicazions des contis no va in polse, par che o doprarìn chescj mês che a vegnin par par ri-publicâ lis contis de Ostarie viere, magari rignovidis cuntune gnove imagjine o corezint cualchi falope, se la cjatin. Planc planc, cussì, o varìn dut l’archivi des contis inte gnove sede, e magari e je ancje une ocasion par tornâ a lei une conte o par leile pe prime volte, par cui che al à començât di pôc a vignî a Contecurte.
Al è clâr, par altri, che chei che nd’ àn la ispirazion di scrivi contis, a podìn mandânusalis istes: o proviodarin a dai un cuc e se a son buinis, a metilis in bande pe gnove stagjon.
Mandi a ducj, cjacarait furlan e buinis vacancis!
Chei di Contecurte
2 comments On Polse estive
Contecurte: cjacarait e se i podês, scrivêt furlan! Buinis Ferîs a dûc.
Cence falopis di batidure, al è clâr 😀