Curiosant ca e là, dopo la jessude dai risultâts dal plui impuartant ricognossiment leterari par la narative in lenghe furlane, il San Simon, o vin fat câs che ancje se il premi al è stât assegnât e se e somee che sedi un cualchi miiorament intal numar des oparis presentadis, la situazion leterarie de narative furlane no pâr jessi saltade fûr di chê situazion comatose che si cjacarave l’an passât.
O cjapìn la ocasion par tornâ sul discors che al veve interessât une vore di utents tal 2009, e magari butant un cuc a la interessante discussion intai coments dal “nestri” brâf furlan, presentant l’articul dal titul “Sant Simon al va indevant“, publicât inte Patrie dal Friûl dal mês di novembar.
SANT SIMON AL VA INDEVANT di Maurizio Biasizzo
Il premi di leterature Sant Simon 2010 al è stât vinçût dal avocat udinês Adriano Nascimbeni, ae sô prime esperience te narative, cul romanç «Jo e Luzie, une storie di paîs». E je stade cun di plui segnalade la opare di Stefano Gasti «O torni par te». Al concors a àn partecipât siet autôrs, cinc oms e dôs feminis e a son stâts presentâts sîs romanç e un libri di contis.
A votâ te jurie a jerin Franco Marchetta, Mario Turello e Carlo Tolazzi.
Daspò dal davoi dal an passât e dutis chês polemichis che a son stadis, la jurie e veve di frontâ gruessis spietis. Di une bande e veve di mantignî la coerence te rigorose vision de leterature che e sta puartant indenant, di chê altre e podeve pesâ la pression dai tancj che si spietavin che un premi al vignìs in ogni câs dât, cuasi che al fos fondamentâl par dimostrâ che la leterature furlane e je ancjemò vive.
Jessint passât dome un an dificilmentri il senari di font al podeve gambiâ e i dubis e lis pôris a jerin tancj. Di fat inte motivazion dal premi assegnât si nase une sodisfazion dome parziâl pe opare premiade, si à di dî però che la jurie e à vût il coragjo, a diference dai ultins agns, di assegnâ la vitorie ae unanimitât. In sumis no varìn la opare mestre, ma o vin un scrit dignitôs che si larà a publicâ.
Il grant merit dal premi leterari di Codroip al è propit chest: i lavôrs premiâts a vegnin publicâts. La impuartance di une robe cussì si note soredut in chei moments, come chel dal dì di vuê, dulà che o vin une diminuzion dramatiche dai finanziaments pe culture e pal furlan, e i spazis par gnovis publicazions a son simpri di mancul. Al displâs par chês oparis mertevulis, mi ven iniment par esempli il romanç di Gasti segnalât inte edizion dal an passât, che no cjatin chest canâl e che a son destinadis a fâ la mufe intai scansei.
A votâ te jurie a jerin Franco Marchetta, Mario Turello e Carlo Tolazzi.
Daspò dal davoi dal an passât e dutis chês polemichis che a son stadis, la jurie e veve di frontâ gruessis spietis. Di une bande e veve di mantignî la coerence te rigorose vision de leterature che e sta puartant indenant, di chê altre e podeve pesâ la pression dai tancj che si spietavin che un premi al vignìs in ogni câs dât, cuasi che al fos fondamentâl par dimostrâ che la leterature furlane e je ancjemò vive.
Jessint passât dome un an dificilmentri il senari di font al podeve gambiâ e i dubis e lis pôris a jerin tancj. Di fat inte motivazion dal premi assegnât si nase une sodisfazion dome parziâl pe opare premiade, si à di dî però che la jurie e à vût il coragjo, a diference dai ultins agns, di assegnâ la vitorie ae unanimitât. In sumis no varìn la opare mestre, ma o vin un scrit dignitôs che si larà a publicâ.
Il grant merit dal premi leterari di Codroip al è propit chest: i lavôrs premiâts a vegnin publicâts. La impuartance di une robe cussì si note soredut in chei moments, come chel dal dì di vuê, dulà che o vin une diminuzion dramatiche dai finanziaments pe culture e pal furlan, e i spazis par gnovis publicazions a son simpri di mancul. Al displâs par chês oparis mertevulis, mi ven iniment par esempli il romanç di Gasti segnalât inte edizion dal an passât, che no cjatin chest canâl e che a son destinadis a fâ la mufe intai scansei.
1 comments On Sant Simon al va indevant
Fin a un Sant… ben, si rive a pit ancje cun un spagnolet in bocje. Al'é dopo, viars Ferdinand, che si scugnaress tirà flat par rivà in cime, montà parsore di un brear e balà cun tun amì di mari lenghe, un jutori, insomme.
Frank Spada