Il sanc nol è mai avonde e lu lechi subite.
Di fruçons di piel e pêi, invezit,’nd è une vore, ma al capite che a sedin fins e mi sbrissin vie.
Dal sudôr, e chel al è simpri, o cognòs parfin la divignince: smare, fastidi, marum, invidie…
O soi part di une famee triste, ancje se no mi sint un di lôr.
Di fruçons di piel e pêi, invezit,’nd è une vore, ma al capite che a sedin fins e mi sbrissin vie.
Dal sudôr, e chel al è simpri, o cognòs parfin la divignince: smare, fastidi, marum, invidie…
O soi part di une famee triste, ancje se no mi sint un di lôr.
La canaie e torne di scuele cu la maiute cragnose e sbregade, un voli macolât.
«Zuiant a balon? Tropis voltis ti aio dite di no contâmi balis!»
Il scufiot al rive prime di ogni pussibile scuse.
O sbreghi vie lis fibris dai jeans, des cusiduris, dai ôr sfiliâts. Lis mastii dutun cu la aghe sporcje, cu la tiere, cui tocs di mangjative e savon. ‘nt fâs sù un pantagnoc, un pastiel penç e ruvit.
Mi coventaressin botons, ma o rivi adore a sbrindinâju dome cuant che a son za discusîts.
Parcè mi tegnino presonîr achì?
Mi coventaressin botons, ma o rivi adore a sbrindinâju dome cuant che a son za discusîts.
Parcè mi tegnino presonîr achì?
«Jere code al fâ la spese, scusimi… cumò prepari di cene».
Lui si plate daûr dal gjornâl, no i rispuint.
«Sêstu rabiât?»
«Tâs», al sofle, «troie», al zonte jenfri i dincj.
Cualchi volte o fâs rumôr, gjavant vie une cerniere o lassantmi niçâ de aghe clipe.
Jê e rive, e vierç la puarte e e cjale instupidide tal scûr.
Jo mi soi bielzà platât tai cjantons, tirât.
Cuant che e va vie, mi inglimuci dentri dai vistît umits.
Jê e rive, e vierç la puarte e e cjale instupidide tal scûr.
Jo mi soi bielzà platât tai cjantons, tirât.
Cuant che e va vie, mi inglimuci dentri dai vistît umits.
‘Sì. Moglie via col bambino tutto giorno. Vieni da me?’.
E prime che i rivàs il messagjo di rispueste al à za metût in fresc il vin.
O ai di scjampâ.
Mi sint striçât, scjafoiât.
Son ducj triscj e jo ju odei. Ducj.
Mi intortei su la code e… La barconete de laveblancjarie si spalanche cuntun scroc e la besteate i salte intor.
Par voi ‘nd à botons, par scais i dincj des cernieris. Centesims inrusinîts a fasin sù une creste spiçade, dilunc di un cuarp di madracat che al smalite di cragne e umôrs, di tiessûts e cjativerie.
Al cjate la bocje di jê, spalancade de pôre, e si ficje dentri.
Al slambre il sgrasaiâr, i jemple polmons e budiei cirint cemût jessi fûr.
Po, seneose, si strissine bande des scjalis.
Mi sint striçât, scjafoiât.
Son ducj triscj e jo ju odei. Ducj.
Mi intortei su la code e… La barconete de laveblancjarie si spalanche cuntun scroc e la besteate i salte intor.
Par voi ‘nd à botons, par scais i dincj des cernieris. Centesims inrusinîts a fasin sù une creste spiçade, dilunc di un cuarp di madracat che al smalite di cragne e umôrs, di tiessûts e cjativerie.
Al cjate la bocje di jê, spalancade de pôre, e si ficje dentri.
Al slambre il sgrasaiâr, i jemple polmons e budiei cirint cemût jessi fûr.
Po, seneose, si strissine bande des scjalis.
