Contecurte 1511 a Vençon

Vençon, ai 5 di Avost dal 2011
Rudinaçs dal Cjistiel di Vençon

O vevin un bon spetacul di contis sul 1511 e cuant che chei di Glemone nus àn proponût, vie Associazion 1511 e Carli Pup, di tornâ a metilu in sene, no vin dite sigûr di no. La Ostarie e jere in polse estive ma l’Ostîr e il Famei no si son tirâts indaûr e come a Rivis a àn metût dongje la robe.

A Carli, come par solit, e je spietade la part storiche, al Ostîr di scrivi une conte gnove ad hoc (La mumie ruane) che e vierzedi e sieredi la serade e al Famei di dâ il miôr di se intes sôs interpretazions. Cun di plui, o vevin un ospit musicâl: il ghitarist Marco Tomasin. Il timp al prometeve ploie, ma o vin decidût di fâ distes inte bielissime alture cui rescj dal Cjistiel e e je lade ben. Nol à plovût, e la serade, ae fin, e je vignude ben. Come simpri, par cui che nol jere, o vin metût adun un golôs librut digjitâl di podê scjamâ.

Riferiments

• Ispirazions su Contecurte
• Articul di invît su Contecurte