Anìn ducj a… ScueleCurte!!!

MANDI A DUCJ!

Us vevin visât che l’Ostîr al steve tornant in vore e… al è tornât!

La sô cjuce e à burît fûr un gnûf contest par une gnove e plui svelte CORSECURTE!

Par cui che al sa za ce che e je e ce che e je stade la CorseCurte, dal 2022 o dal 2024, no son sorpresis, e no i covente nancje lâ a lei il Regolament. Par cui che nol sa… al è facil di spiegâ in pocjis riis. E alore ve ca, che in struc us contìn dut ce che al è scrit tal Regolament de CorseCurte26-27

Duncje… SI TORNE A SCUELE!

I students de ScueleCurte a varan di scrivi une conte al mês a tacâ di Setembar fin al mês di Mai (in dut 9 contis).

Il prin dal mês i professôrs dal Consei di Classe a publicaràn lis lôr ispirazions, ognidun te sô materie. Ogni student al sielç la ispirazion che lu stice di plui e al à timp dut il mês par scrivi e mandâ la conte.

Il rest o fasin dut noaltris de ScueleCurte. I prof. a daran il vôt a la conte, il Dirigjent Scolastic (l’Ostîr) al darà il vôt in condote e dopo o viodarin mês par mês cui che al à la medie plui alte e ae fin dal an al vinçarà la CorseCurte.

Dut clâr? Se o vês dubis o domandis leieit il regolament o domandait a chi tai coments.

Lis contis, come simpri, a àn di jessi mancul di 2000 batudis, e votazion in condote un pôc plui basse par cui che al va plui lunc, al consegne l’ultin dì o in ritart di un dì.

Lis materiis che us daran ispirazion a son chestis:

FURLAN: Leterature Furlane (di vîfs) – Prof. PK

LENGHE FORESTE (TALIAN): Leterature taliane di autôrs furlans (vîfs) – Prof. TD

STORIE: Events storics furlans (magari no simpri chei) – Prof. PC

GJEOGRAFIE: Ambients e paîs dal Friûl (di ogni sorte) – Prof. DB

MATEMATICHE: Matematiche… leterarie – Prof. AF

SIENCIS: Siencis furlanis (di ogni sorte) – Prof. AM

ART: Art di furlans (vîfs) – Prof. NS

MUSICHE: Musiche Furlane (di vîfs) – Prof. MA

TECNOLOGJIE: Imprenditôrs e impresis furlanis – Prof. BM

GJINASTICHE: Sportîfs dal Friûl e impresis sportivis furlanis – Prof. RZ

Par iscrivisi al baste che nus mandâis une mail a contecurte@gmail.com come par solit e nus diseis cual che al è il vuestri SORENON par la gare.

Lis identitâts dis students e professôrs a si scuvierzaran ae fin dal àn.

Cui che si iscrîf prin de Madone di Avost al varà une Justificazion di podê doprâ se un mês nol cumbine. Cui che al à rispuindût ae mail esplorative dal Ostîr al à vinçude za une justificazion.

E come simpri us disìn che al è un zûc par divertîsi, straviâsi, tignî il çurviel impiât e… scrivi!

Vonde dai… pocjis cjacaris. Tachìn cheste gnove aventure!

O spietin lis vuestris iscrizions ae SCUELECURTE2026/27!!!