Chei soversîfs di Corsecurte… e la Percude

In sumis… no stês vignî a dî che un laboratori di scriture come la Corsecurte nol covente. Us vin bielzà contât dal sucés dal nestri Berlon Michêl Londar intal Premi Scerbanenco di Lignan e ancje dal nestri Laurin Zuan Nardin intal San Simon di Codroip.

E se cualchidun si vise di cualchi mês indaûr o vin vût ancje la doplete Berlon-Ostîr intal premi Richinvelde, il prin par furlan, il secont par talian.

Si che, si scuen dî che jessi contecurtârs al zove a la creativitât e al imparâ a scrivi… E o vin gust di pandi une gnove di vuê, rivade sul gjornâl, che nus mostre une volte in plui che la nestre Ostarie e fâs ben a la scriture.

Ve ca, intai finaliscj dal Premi Caterina Percoto o vin ben doi contecurtârs, il nestri Berlon Michêl Londar e il solit Ostîr Rafaêl Serafin. Ancje chest colp a àn scrit par talian, e a àn vût la sodisfazion di jessi jenfri i finaliscj (e us puedin spieâ che un dai doi al à ancje vinçût alc).

In su

mis… se us ven voie di tacâ a scrivi par furlan, o se o scrivês za, us visin che jessi dai contecurtârs e mandâ contis ae osterie e soredut, leilis, nol pues fâus che ben!

Ve ca che us lassin l’articul di lei.

E un batimans a Michêl e Rafaêl, che se a van indevant cussì a deventin i arcagnui dai concors.