CC24Lui#20 – Chiringuito

#20 – Chiringuito

Jo cumò o moli dut e o viarç un chiringuito
Baste. Vonde cumò. Eh sì, cumò, e jè propite ore di dî vonde.
Jo mi soi stufade pardabon. Chest al è stât il lamp che al à fat sclopâ il ton. Cumò jo o moli dut e o mi trasferìs te Americhe Latine, tun paisut sul litorâl, e o voi a vierzi un chiringuito. O voi a vivi la vida loca, come che al cjantave Ricky Martin.
O voi a jessi jo la jefa. Nissun che mi comande. O voi a comandâ jo invezite. Vonde dirigjentis che ti blochin ducj i tiei progjets. Vonde coleghis incompententis. E soredut vonde gjenitôrs suponents che no son bogns di fâsi ubidî. Vonde!
Vonde riunions interminabilis sul PON, PNRR, RAV, PEI, PDP, PSP … Jo lis riunions o voi a abolîlis. Vonde timp pierdût!
E al gno om. Puar vecjo. No je colpe sô, ma neancje mê. E sì, vonde col gno om, sessantin, coçon, panzon e bruntulon. Un vêr GOM (Grumpy Old Man).
Tal gno chiringuito, invezit di un om di 60 agns, o voi a cjolimi 2 zovins di 30 agns.
Anzit.
Propite no.
Ma sì, miôr, o voi a cjoimi 3 fantacins fustacjons di 20 agns che van a lavorâ per me: un chiringuito su le splaze cun 3 camarîrs atletics e … in topless. A servî cocktails al ritmi de musiche sudamericane. ¡Qué bonito!
Ma… un moment… cemût fasio a vierzi un chiringuito jo, che soi vegane e, piês di dut, analcoliche?
…
?
…
O ai cjatade la soluzion. O voi a vierzi un chiringuito… BIO!

di Daisy
#1708