#09 – Crist Redentôr
I miei amîs a mi àn fat un regâl ma sin sin capîts mâl… forsit la colpe e je dal merlot che o vin bevût al miò complean.
Ducj contents a mi àn domandât: “Ti regalin une esperiense, do vûtu là?”
Chê sere o ai rispuindût: “Cordovado, a la rievocazion storiche!”
Un pâr di dîs plui tart, simpri denant di un tai di merlot di cjase, a mi dan un biliet. ESPERIENZA A CORCOVADO CON CABINOVIA AL PAN DI ZUCCHERO.
Il merlot a ju veve insiminîts… in agjenzie turistiche a vevin dite un non par un altri. No si podeve cambiâ viaç e neancje vê i bêçs indaûr. Duncje o ai scugnut lâ, di bessôl. E cumò soi chi dal Crist Redentôr, un spetacul! “Excuse me, could you… fâmi une foto par plasê! Sigûr che no tu capissis il furlan, ma jo spagnôl e inglês soi mâl ma mâl di no crodi …âtu capit?” Insome une furlane bessole a Rio, denant di me. E jo ai dovût rispuindi: ”Of course… di corse, neancje un fastidi!”
Si clame Nurine e o vin passât la zornade insiemi ator par Rio e a bot e sclop a mi à bussât, inte cabinovie. No savevi se o vevi plui pôre dal sintiment che a mi cjapave il cûr o di restâ blocât in cabinovie.
E jê: “Coleto, sêtu mica sposât?”
E jo: “Nurine, no, encjemò no!”
di Bultrik
#1697
