Biele, biele, biele. Une vore divertente. E senze mancjâ di rispiet a nissun!
CC24Mai#07 – Chê vecje fotografie

#07 – Chê vecje fotografie
Dulinvie la clamade Grande Vuere, il front talian si situave tal Nord Est de Italie, dulà che si davuelzevin une serie di batais dilunc i agns 1915/18 tra l’esercit austriac ongjarês e chel talian.
Il re Vitôr Manuêl tierç e la regjine Eline si trasferirin dongje dal front, intun paisut furlan clamât Torean di Martignà, in provincie di Udin, te vile Linussa, che e cambià non in vile Italie.
La borgade e jere sotsore cun chescj avigniments che a puartarin une cierte prosperitât a tantis fameis dal puest, che a jentrarin a lavorâ in vile Italie. Si ben che, il front militâr nol fos tant lontan, Torean di Martignà al someave protezût di un status speciâl pe presince reâl.
Ogni buinore il re al partive viers il front di bataie e al tornave sot sere, dulà che un uficiâl dal Stât Maiôr lu informave de situazion militâr.
Tal fratimp la regjine Eline e costumave spassizâ tai dintors di vile Italie. Un daspò misdì dilunc la zirade e viodè dôs frutis che a zuiavin. La regjine, che cun bocje di ridi lis cjalave dal di sot di un ombrenin, si svicinà e ur domandà se podeve fâur une fotografie. Lis frutis sorprendudis e intimididis de presince reâl, trabascjant a diserin di si. E la fotografie e je stade fate.
Mê none Martine, bielzà anziane, e ricuardave il so incuintri cun la regjine e e à simpri pensât che di sigûr chê vecje fotografie e dovarès cjatâsi in cualchi album familiâr dai Savoia.
di Galliano di Buenos Aires (Fuschi)
#1637
1 comment
Lasse une rispueste Cancele rispueste
This site uses Akismet to reduce spam. Learn how your comment data is processed.
Scrivinus a contecurte[at]gmail.com
Jentre te Liste di Contecurte
Ultins coments
[…] (1998) e l’audiolibri Tananai (2001), la plaquette Le linee di Nazca (2015) e lis racuelte Isulis (2009) e Conseis…
[…] Sosta Urbana, pe regjie di Andrea Collavino. Simpri in prose al à publicât il romanç distopic Kebar Krossè (2016),…
A son passâts pe Ostarie
Adelmo Della Bianca Alessandro Valoppi Alessia Meacci Alessio Ecoretti Angelo Floramo Barbara Battel Bepi Zefon Carli Pup Cecilia Liva Checo Tam Christian Romanini cjadenedicontecurte Covidcurte Day Cristina degli Uomini Davide Peressoni Di Suald DoneBete Dree Venier Eduart Baschera Egle Taverna El Fari Eline Enrico Tomasi Eowin Fantacorsecurte Ferdinando Passone Francesca Giorgetti Franco Marchetta Franco Vigo Frank Spada Fuguline Fulvio Romanin Gaetan Cogôi Galliano di Buenos Aires Gianfranco Pellegrini Gianluca Franco Giuliana Pellegrini Guido Covàs Isa Dorigo Ivano Urli Jacum Tiburzi Jacum Trevisan Jaio Furlanâr Javier Moscufo L'Antescûr Laura Dri Laurin Zuan Nardin Lenart Gjavedon Leonore Lorele la Morete Luche Bagnarol Luciano Marinig Lupo Manarie Maghe Olstrele Marcello Marangone Marcelo Del Mestre Margarite Cogôi Maria Veronica Moscufo Mario Facile Marisa Gregoris Mariute Massim Furlan Massimilian Glîr Maurizio Di Fant Maurizio Mattiuzza Michele Vuardianut Calligaris Michêl Londar Milio dai cjans Nello Malisano Nene Furlane Noemi Salva Norma Romotowski O. Zete Pablo Gortan Passadôr Patrizia Torossi Pauli Fantini Pauli Jacuz Pieri Moràs Pierina Gallina Plume di Ingjustri Rafaêl Serafin Renzo Brollo Renzo Turùs Ricardo Gregoretti Ricart Tiburzi Rudy Citòs Sandri Carrozzo Scoltecurte Silva Ganzitti Spirt Anonim Stefano Gasti Stefano Lombardi Stiefin Asquini Stiefin Morat Stiefin Stefanut Stralunade Tiziana Novello Tommaso Pascolo Zorz Cesaratto





Biele conte che jo le clamarès storiche realtât. Lussian