CC24Fevrâr#14 – Dulà voio?

#14 – Dulà voio?

Cheste citazions la cognossevi, ma cumò no rivi a metile adun. O soi simpri di presse. O sai, però, che intune sole dî no rivi a visitâ ducj i clientis lassâts in bande di une setemane. Ce savevio jo che chel gnûf lavôr al sarès finît prime di tacâ?
“Mi displâs, tu jeris za dentri, ma cun chest cambiament te economie si è fermât il gnûf progjet”.
Alore o fâs fente che no vuei mandâ a remengo chest lavôr di mierde. E par di plui no mi visi plui dulà che a son i locâi, o ai il cjâf in blanc, al contrari dal cîl dal mont, ogni volte plui neri. La gnot tal mieç dal dì.
A tachin a colâ gotis gruessis, che mi ruvinin il campionari di dissens in cjarte. Nissun tet dulà parâsi. E ce vint! Il vistît al è za un mismàs. Cun chest aspiet nissun mi cjaparà sul seri. O tornarai a cjase. Ma no soi bon di visâmi la strade.
Miôr lâ a cjoli un cafè. In chel barut. Propit jentrant al sclope un tonon. La ploie e tache a bati fuart tai veris. O viôt une femine passâ come un lamp par il marcjepît. E jerie propit jê? Nol è pussibil. Ma orpo, sì, E je chê musute che mi faseve deventâ mat a lis mediis e che no ai vût mai il coragjo di lâ a cirîle tai social. Podaressial jessi un segn, no po? Di corse daûr alore.
O soi restât di bessôl tal bar, e no cjati il campionari. Intal marcjepît e comparìs dal nuie une sole scarpe di femine. O podarès cjapâle e cirî di jê, cuissà se lu a pierdût.
La puarte e je blocade.
Al sune il campanel.
E sì, i siums, la vite e lis burascjis a remenin dut.

di Matungo
#1551

1 comments On CC24Fevrâr#14 – Dulà voio?

Leave a reply:

Your email address will not be published.

This site uses Akismet to reduce spam. Learn how your comment data is processed.

Pît di pagjine dal sît