Voaltris lu savês, no mo, che il cjâf dal Ostîr nol è bon di stâ fer? E intant che al è daûr a preparâ la serade dal CoceCurte Day, in spiete di contis e comedant chês che a scomencin a rivâ… intant che al è daûr a pensâ a ce robe doprâ par lis votazions dal public… intant che al progjete lis musatis des cocis di taiâ… intant che al vâ a comprâ dolçuts e potacjos par chê sere… in sumis, o vês capît, ve che al à pensade ancje cheste robe ca.
Di usgnot, vinars 13 (ce date, eh) aes 17, fintremai a lunis 16, aes 17.00, ore di arîf de newsletter, cui che al mandarà une conte curte di massim 200 caratars (cui spazis, no un di plui), a teme neri, pulp, cadavars, tristeriis e vie indenant, al vinçarà une copie dal libri “DIARIO PULP” di Strumm, che si podarà ritirâ dome te sere dal CoceCurte Day!
(Numar massim di vincidôrs… 6 di lôr, a judizi dal Ostîr che al met il libri, che cun di plui nol è plui in cumiarç e al è pardabon fûr cu la cassele, ven a stâi un toc unic. Cui che nol è, nol vinç)
Ce us parial? E abadait che l’Ostîr al è ancje masse bon, parcè che al à decidût che… al met sul sît chest articul za cumò, ancje se no son cinc di sere. E forsit… cuissà, magari lu condivît ancje su Facebook… se si vise.
Pronti… VIA!
