Scritôrs di Sclaunic!

Al pâr che l’aiar di Sclaunic, il paisut dulà che al à la tane il nestri Ostîr, al fâsi ben ai scritôrs. O almancul, cheste e je la deduzion che si pues fâ se si vâ a cjalâ il manifest pe sagre dal paîs, che dopo vê saltât dôs Madonis di Avost (poiant altris madonis, clare) e rive di gnûf a meti fûr il nâs par cuatri dîs di Fieste Paesane, dai 12 ai 15 di Avost.

E se o vês voie di vignî a bevi une buine bire e mangjâ gnocs e calamârs che a meretin, o vês di capitâ in chescj dîs. Ma se invezit us ven il mat di fâ un scjampon la dì prime… ben po, a si fevele di libris!

Eh, sì, parcè in bande dal nestri Ostîr. cul so Cryptofriûl, che al à vinçût il Premi San Simon 2021, e che al è in tour cul spetacul che o cognossês aromai ben, “Un Viaç tal Cryptofriûl“, o cjatais ancje altris scritôrs, a stâ a Sclaunic. Un al è Giorgio Mazzolari, raventât di un pôcs di agns, che al scrîf romançs, e chel altri al è Michele Bordignon, furlan, che al è publicât une opare che e fevele di culture dal fisic. Insome… no si sa ce che al capitarà inte serade, ma al pâr che i trê, stant al cjalt e ae pocje voie di fâ, le vedi cjapade une vore alegre e cuissà ce che a cumbinaran.

La uniche robe serie de serade, al è probabil che e sedi la nestre Massarie, che e sarà li a fracâ i botons de sô tastiere par meti un pocje di musiche framieç di chest trê disgraciâts.

E par sierâ, uniche robe sigure de serade e je une altre. Che no si lassisi sigure come cjans… Insome. Save the date, come che a disin i fighets. Joibe ai 11 di Avost… a Sclaunic!