CorseCurteFevrâr#13 – E jere une volte

#13 – E jere une volte

“La magjie dai colôrs si platave… No. E discoreve… No. No. E mostrave…”

Al smolà il tast e si dreçà viers il barcon. Al cjalà il so cente sflorît. Nissune idee par tacâ e il timp al coreve. Al stave daûr dal svolitâ dai colibrîs cuant che al olmà la sô vicine Stella che e smanetave. Za al jere tart par platâsi. Mario al assintì e al le fûr viers il ristiel.
– Cemût Mario?
Mario nol rispuindè. Che jê e vadi al pont di bessole.
Stella e incrosà i braçs.
– Mario, che nol stedi a cjapâle a mâl ma lui al dovarès di sistemâ la cente, taiai un pôc par dâ miôr aspiet al bloc. E ancje ae mê alergjie.
Stella e procurà di sfuarçâ une tos.
“Cheste viele rompicoions altre volte cul so catan de alergjie par metisi in ce che no i impuarte” al pensà Mario.
– Jê simpri mi nomene la sô alergjie ma mai mi àa dit di chê robe.
Stella e rispuindè cuon fastidi e e incrosà un pôc di plui i braçs.
– Jo no sai di chê, ma sigûr al nol jude in nuie une cente cussì trascurade e cun insets dapardut.
– Cheste “cente trascurade” e je cjase di uciei, âfs e rosis di ducj i colôrs. Il rest dal borc al à mûrs muarts. Jê e dovarès di ringraciâmi Stella, colibrîs e rosis a dovaressin dâus ligrie e no alergjie.
Stella e svicinà la muse.
– MO-NA-DIS. Lui al varès di taiâ e butâ inseticide. Come bon vicin, no i somee? Jo no volarès fâ un riclam…
La ispirazion e rivà come un lamp.
Mario al gjavà il prin mac che al veve a man.
– Che si puarti vie chescj flôrs par plasê. A son speciâi par curâ la alergjie. O promet che o voi a risolvi la molestie de cente cressude.
Stella e dubità al viodilu tant di corse, ma finalmentri e cjapà il mac e e aspirà.
– Mi ralegri che o sin rivâts a capîsi, – e disè Stella cunt un bischiç par riduç prime di tornâ vincidore a cjase sô.
Mario al corè a sentâsi devant de tastiere e al començà:

“La orende e arciboliche strie Stellate e aspirà il profum da lis floris segretis dal grandiôs mâc Marion, un balsim che al difint dai inflùs malefics lis fadis che a betin dentri dai colibrìs…”

di  Vecjo Claes
#1188

Lasse une rispueste:

La tô direzion di pueste eletroniche no sarà publicade.

This site uses Akismet to reduce spam. Learn how your comment data is processed.

Pît di pagjine dal sît