Vrie di ca!

I veve dit cussì Fricebilite a Candaluç. E lu ripeteve: “Vrie di ca! Vrie di ca!” intant che al sunave la raze cu la cartufule. Ma nie. Sepat no lu scoltave e al leve indenant cul camesot. “Gût… sehr gût…” al barbotave a barp vrie. Si che duncje la bisate e cjapave di stiç, ma cence fâ nancje une bree. Si pues contâ dut, ma sgjarduleâsi in cheste maniere nol è ni san ni gaban. E difati al fevelave saldo, chel forepiere… al veve une vore di renghe, pôc ce dî. I mancjave dome di sossolâsi ruan il sbit e dopo il curubul al sarès mudât in panoglat. E il panoglat in civon. E il civon al sarès tornât corundul. La profezie no di une, no dôs ma almancul dîs. E lui nol voleve dî, ma i disevin dîs. “Dîs trute, dîs trute” i sigavin cence polse. Ma se no si olse no si à padin. La robe e ven fûr distrute. E gjave un, gjave doi, gjavedon, lis robis a van come che no àn di lâ e ti rive une raine che ti smaltache sul brantiel. Ben po… Finide cussì? Magari! E rive di lontan la pine di un scuâl di chei cu la muse di sopressâ, al gjave i modons, al mostre il dûl, al spessee… Une puçone di no viodi. Il gjavestrops al domande “Cumierie?” e nol è un che i rispuindi. Anzi no. Spes gjat i veve dite “tencje, tencje une vore…” Ma tencje al cats, al veve pensât chel altri, prime di strucâsi dentri tal lavandin in companie di te mularie. Cumò tire la aghe, jù pe glove dut si sbrove, nin in glorie. finide la storie.

di Rafaêl Serafin
#950

1 coments On Vrie di ca!

  • Ma indulà vastu a tirâris fûr?
    Ise il jutori dal Libano Oro o i pevaroncins? Bisugne che o provi ancie jo.
    Dut câs gustose la conte ittiche.
    Mandi

Scrîf un coment

This site uses Akismet to reduce spam. Learn how your comment data is processed.

Pît di pagjine dal sît