Lets in Ostarie: “Oltre la trincea”

OLTRE LA TRINCEA
Racconti di famiglia

CE LIBRI ISAL?
Al è un piçul librut che al à dentri trê lenghis e al cjacare de Grande Vuere, scrit di Lucia Gazzino. Si cjatin dentri cualchi poesie, cualchi conte e dut intune trentine di pagjinis, cun cualchi traduzion par la part no par talian.

MA CE ISAL DENTRI, DI PRECÎS?
Al scomence cjacarant di trê soldâts, un todesc, Joseph Unger, un talian, Ungaretti, e il von de autore, Giuseppe Gazzino. Trê Josef, insome, peâts insieme de vuere. E par ognidun di lôr a saran ancje trê feminis, subit daûr, e la lôr storie. E dopo ancjemò trê poesiis par trê nonis… e in sierade cualchi altri conte sul timp e la memorie, che a somein simpri tornâ e pierdisi. Su dut, la maluserie che e lasse par simpri une vuere. Un difiet al è che al è curt, e finît tu volaressis ancje.

A CUI I PUEDIAL PLASÊ?
A chei che ur plâs la poesie e lis storiis peadis ae vuere e ai timps di une volte e a che che a àn gust di cjalâ tes fameis e contâlis. E al plasarà a chei che no àn fastidis a lei e scuvierzi plui lenghis.

E SE O AI VOIA DI CJOILU?
Al è publicât de Corvino Edizione e lu si pues cjatâ su lôr sît.

Scrîf un coment

This site uses Akismet to reduce spam. Learn how your comment data is processed.

Pît di pagjine dal sît