Un Lupo Manarie furlan in Americhe

A Flambri al jere a stâ un frut che si clamave Flavio. Flavio di Flambri al jere fi di Gjelindo, il fradi de Agne Ghine, e nevôt di Tilio, chel dal borc dai Vieris, propit dongje cjase di Gjildo cjaliâr. Lu cognossarês di sigure ancje voaltris. Se no lu cognosês, domandait a Margarite, une frute di Cjamin, amie di Matilde, la gnece di Toni, che però Margherite no us rispuint, parcè che e je muarte ancje jê e le àn fate deventâ une mumie e difati ducj la clamin Mummierita. Ben po, une brute dì, Flavio al cjate su la sô strade un lôf che al veve une manarie simpri in man, e si clamave Lupo Manarie. In cuatri e cuatri vot, Lupo Manarie al fâs a tocs Flavio. Par fortune che un miedi mat al cjape i tocs e ju cûs insieme, Flavio al devente vert e plen di cusiduris e a tachin ducj a clamâlu Flaviostein. Cun di plui al è une vore rabiôs, par jessi stât fat a tocs e al domande aiût a une strie, che stant che je verde ancje jê come un ghiacciolo a la mente e devente subite sô amie: la Strega Piperita. «Tu âs di judâmi a svindicâmi dal Lupo Manarie», i dîs.
«Ma sigure!» i rispuint la strie, che e jere une vore brave a fâ l’incjantesim di fâ cressi la barbe sul cûl da la int. «Ancje parcè che al à fat a tocs ancje Ragno Violino, anzit, nus darà une man ancje la Fatina Ghiacciolina, che e jere sô amie», che si clamave cussì, Fatina, parcè che e veve simpri in man un ghiacciolo ai guscj Menta, Fragola e Arancia, parcè che il limone, stant che il zâl al jere un colôr clâr, no cumbinave mai di vêlu.
Intant Lupo Manarie al jere scjampât a platâsi in Americhe, la di doi vampîrs che a jerin il Re e la Regjine, tant al è vêr che si clamavin Vampi Re e Vampi Regjine. Fatina Ghiacciolina e Strega Piperita a rivin come dôs sfolmedâdis e si cjatin devant ducj chei ca, comprendût un zombi balarin, che al balave simpri, ma dome la zumba. Ce che al è e ce che a nol è, al ven fûr che Vampi Re al jere Trump e Vampi Regjine Melanie. La strie e fâs un incjantesim par trasformâ Vampi Regjine intune vacje, e Fatina Ghiacciolina e cîr di trasformâ Vampi Re intun purcit. Nie! Nol funzione nuie e chei doi a restin compagns e chês dôs puaretis a tornin indaûr de Americhe dutis rabiosis e dopo Lupo Manarie…

E nie, no si sa, la storie e finìs chi. Jacum e Ricart a metin vie lis cjartis e i penarei parcè che par television e je scomençade Pippi Calzelunghe e a jere ore di cjantâ!
Pippi pippi pippiiii… Che nome fa un po’ ridereeee…. Ma voi riderete, per quello che farò!

di Jacum, Ricart e Rafaêl

Note: Nissun mostri al è stât maltratât par scrivi cheste conte.

3 coments On Un Lupo Manarie furlan in Americhe

  • Jacun, Ricart e Rafaêl, jeriso sot l’efiet de Coca Cola cuant che o vês scrit cheste conte?
    Provait cun Coca Cola Light, a disin che e no prodûs efiets colaterâi.
    Dut câs simpatiche.
    Mandi

  • Benpo, benpo,il nestri ustîr siemit Jacun e Ricart, nus an servits le conte di lupo manarie cuntune version cussi ben uçade, che saress un grum terapeutiche a scoltale inte stale, cumò che Sant Simon al viarç il vie a fâ le file in lôr. E nô di fruts a scolta a bocje vierte, cu le emosion de pore, tra chei mâcs, striis, e lôfs manars. Lussian

Leave a Reply to Gelo Stellato Cancel reply

This site uses Akismet to reduce spam. Learn how your comment data is processed.

Site Footer

%d bloggers like this: