La Disfide dai Dadui

Contecurtârs!
O sin un pôc luncs cui timps ma dome parcè che o jerin daûr a inmaneâ un super event! Sêso stâts contents dal Contecurte Day?
Vêso viodût ce che al è sucedût cui dadui che o vin trat par i 10 agns di Contecurte?
Ve chi, che us al u tornin a visâ: al è sucedût che a son rivadis une sdrume di contis ispiradis dai dadui! E alore ce vino fat?
O vin decidût di lâ indevant cu la fieste e cul jutori de Pro Loco di Gjalarian, che nus met a disposizion la bielissime aree li de Cjase de Comunitât, e cu la partecipazion straordenarie dal duo acustic ConFusione, o vin metût adun cheste serade che vignarà fûr benon, o sperin.
O vin sielt une schirie di contis di chês dai dadui e o vin decidût di viodi cuale che e je vignude fûr miôr cuntune sfide ae maniere di Contecurte. La disfide dai dadui e viodarà i nestris letôrs a ofrî come che aromai o savês lis contis al public, che come par solit al sarà judic.
Ce altri dî… che forsit dilunc de serade e saltarà fûr cualchi sorprese ma se a son sorpresis… vignît a scuvierzilis!

DOMENIE AI 9 DI JUGN,

AES NÛF SOTSERE A GJALARIAN

LA DISFIDE DAI DADUI

1 comments On La Disfide dai Dadui

Leave a Reply to Stralunade Cancel Reply

Your email address will not be published.

This site uses Akismet to reduce spam. Learn how your comment data is processed.

Pît di pagjine dal sît