Puars e siôrs

Jo o soi puar.
Ma no di simpri, une volte o jeri siôr.
Tant siôr.
Ma ancje tant malât.
E cussì, cuant che inte miôr cliniche specializade, i miôrs miedis mi àn dit che a mi restavin dome pôcs mês di vite, no mi à restât altri cefâ, se no lâ a cirî un puar che al acetas di murî intal gno puest.
Lu ai cjatât.
Al mi à costât cjâr. Une vore.
Cjaronon.
Tant che cumò o soi puar.
Tant puar.
E no mi reste che lâ a cirî un siôr.
Un siôr tant siôr e tant malât che al vedi bisugne di un puar disponibil a murî intal so puest.
Mi fasarai paiâ cjâr.

di Laurin Zuan Nardin

3 coments On Puars e siôrs

  • E ogni tant al rive Laurin cuntune di chês so contis a mieze strade tra il sureâl e l’ironic e no tu fasis in timp a leile che tu le âs za finide e ti è za plasude! Puars e siôrs, sì, che si sa, i bêçs a judin e no judin, a judin e no judin… Dute di lei, cjapais chel minût e leieile!

  • Bielissime!

  • Laurin,vuê come vuê il sior si contente dal toc di ricambi par sorevivi, doman se sant Pieri cul so paron e firmin le deleghe crodistu che no sucedi.Lussian

Lasse une rispueste:

La tô direzion di pueste eletroniche no sarà publicade.

This site uses Akismet to reduce spam. Learn how your comment data is processed.

Pît di Pagjine dal sît