Al è un mont strani, chel di internet.
Si cognòs int che no si sarès mai cognossût cence, ma inte stesse maniere no si sa nie di lôr a mancul chê simpri internet nol rivi in aiût. E cussì, in chescj dîs, o sin vignûts a savê une gnove che no à nie di biel, e come za altris voltis nus è capitât di fâ,
nus tocje saludâ par simpri un contecurtâr.
Il nestri Bepi Zefon, che ti tancj agns al jere a stâ in Lombardie, tal imprim dal mês di lui, al è lât a viodi plui di dongje cualchidune di chês stelis e di chei planets, che tantis voltis nus à contât.
Al pôc ce dî, al jere un presince biele, e persone curiose, che nus à tignût companie cu lis sôs contis e cun plui di cualchi cjacarade, vie mail. Par me, podopo, che o vevi scuviert che al jere origjinari di Talmassons, il paîs di mê none, al jere un gust in plui sintîlu contâ i siei ricuarts di chês bandis.
Lu saludìn ducj, cun corôt e displasê, ancje noaltris de Ostarie,
3 comments On Mandi Bepi
Mandi Bepi, cumò di lassu dongje lis tôs stelis puartinus le lôr lûs a guidâ i nestris pas.Lussian
Simpri al passe co si sint che cualchidun nus lasse, di rifleti che ducj o sin su la stesse strade.
E nol reste altri che di dî un Requiem.
Mandi Bepi.
Bepi, sacrament ancje tu. Cheste, propit tu varessis podûd rimandale. Ma se chest al jere il to destin, nissun al podeve fermalu. Mandi Bepi e no dismenteati di fevelâ par Furlan ancje in Paradîs.
PS. condoleanze a dute la so int.