Sparniçâts pa la citât di Udin e ancje tai paîs ator, in chei ultims agns a son nâts i “ centro massaggi”.
Tai gjornâi locâi al ê plen di publicitât , cu la intestazion cinese e sot orari continuât e telefonut e la cinesute che e riduce.
No si sa in cuale scuele cinese a sedin preparadis e la lôr cualifiche la Cine si sa e je grandonone…
E inte cjamare di cumierç, là che a regjistrin lis impresis, cemût sono incuadradis, al vegnial ricognossût il studi fat e metût dongje dal nestri? A fin sedude rilassino il scontrin fiscâl o une buscade par che a tornin a cjatâlis?
Chesç centris a son ducj sierâts, ator ator, di imagjnis che a sticin, che a nascuindin la lûs a la visuâl di ce che al podarès stâ li dentri.
Ce fasarano là dentri? mi domandi! Mi vignarès voie di provâ, pe cervicâl.
Dongje li ca soi a stâ e je une cjase li che lis signorinis cui voi a mandule, che a tabain pôc talian e nuie furlan a spietin i omins, ples di dulintiis, par dismolâju un pôc, e cussì che dopo che a jessin , a tornin fûr gnûfs, frescs come rosis, pronts a continuâ la sunade o passâ la serade plens di gjonde.
Oh, ce bravis lis cinesutis, ce manutis delicadis, ce nininis, cul massaç da la felicitât a fasin passâ ogni mâl ancje al om furlan plui ruspiôs!
di Giuliana Dri
#565
6 comments On A son ma no si viodin
Giuliana, prime di dut benvignude te ostarie di contecurte. Tu ti domandis cemût che lis regjistrin a la cjamare di cumierç, e ce studi che an fat dongje il nestri. Cuant che si trate di Diu bêç e di Madone palanche e se tu metis dongje ancje gjoldiment e gjonde no coventin definizions e tant mancul scuele. Dut al è za scrit par fortune te nestre nature pecjadore.
Biele simpatiche la tô ironie
Ce biel furlan Giuliana, une vore brave. A no varan fatis scuelis di sorte lis cinesutis, ma si intindin di marketing miôr di noaltris parcè ch'a àn cjapât il puest lassat vueit daspò de Merlin..o scometarès che a si intindin une vore pôc di cervicâl.. Mandi da Bepi
Giuliana biele conte, tu as tocjat il cantin just dai gnestris dis,Vigji puinte su consei dal miedi si è sot poiat ai lor masagjos anticervical,dopo un an di sedudis lu an suiat tal cuarp e tal tacuin.Biele conte gustose e sinpatiche che invuluce ben il vivi corint dai gnestris dis. Lussian
Giuliana,
Prin di dut Benvignude. La tô conte e tocje une realtât di simpri, dome che cumò cheste e ven de Cine. Ce vuelio dî: che se i sorestants di chescj locâi ju àn vierts al public, al è parcè che a vioderin che ur podeve lâ ben. (Cui no sofrissial de cervicâl?)
Come cuant che a vierzin une gnove ostarie, cui no vadial a bevisi un taiut? e se i plâs no tornial?
Simpatiche e ninine la conte, ti fâs bocje di ridi.
Benvignude Giuliana!!!
Bravis bravis lis cinesutis cui massaçs al ….. e intant a sparissin lis pensions di une vite! Ce scandul! Nol è di ce ridi! O consei ai vielis furlans di fa' di bessoi!
DDR