Un berli tal scûr

Si jere li cule man te man cirint di capî i pinsîrs che a lavin in bufulis e a platâsi tai nûi.
Mi crodevistu? Tu cjalavis il cîl e sieravis i voi. Tu disevis di sí cisicant alc jenfri i dincj e se nol fos chi lavi in brût di violis o varès crodût che tu tiravis un ostie.
Cujetiti! O sai chi no sai dîti ti ami parce che par furlan a mi no mi sune ma par te i lares sule lune e peât al to cuel mi pierdarès tai toi voi, po mi scuindarès tal to pet, imbusarés jenfri lis tôs gjambis e, mieç dentri e mieç fûr, o mi cjatarès cence peraulis, gjoldarès cuntun berli e colarès insumiât.
Alore tal dîs cumó: Ti voi bon, mone!
di Jaio Furlanâr

5 coments On Un berli tal scûr

  • Jaio a certes grandeces ur fasin un monument,ma tu oltri a fai chest monument tu as volut zonta parsore che biele poesie che al mont jere za cuant no esistevin peraulis.Biele e meritose conte. Lussian

  • Jaio ancje se tu ti imberdeis tal dî "ti amo" no tu sês secont a nissun poete tal contà ce che al passe tal cûr di un om e une femine cuant che si cjalin tai vôi. Brâf!
    Vere, "ti amo", no je robe nestre.

  • Jaio,
    Un biel esempli di cetant che si po dî cun pocjis peraulis.
    Mandi

  • Jaio: en castellano hay un refrán que dice: "Lo bueno, si breve, dos veces bueno." Biele conte. Mandi.

  • Graziis a ducj i letôrs, al fâs plasê par tirâ indent:-) Oscar, Sí ya lo sabîa y en francès también se dice: Les blagues les plus courtes sont les meilleures:-) Su chest, no volarès sei obleât di scrivi simpri di mancul par faus dî che lis miôr dal Yaio a son lis plui curtis parce che par finî o no scrivarès plui nuie:-)
    Un salût.

Lasse une rispueste:

La tô direzion di pueste eletroniche no sarà publicade.

This site uses Akismet to reduce spam. Learn how your comment data is processed.

Pît di Pagjine dal sît