Un siorut al cjape il curiero dopo vê comprât il gjornâl e vêlu metût sot il braç. Mieze ore plui tart al dismonte cul stes gjornâl, sot dal stes braç.
Ma nol è migo plui il stes gjornâl, cumò al è un pac di cjarte stampade che il siorut al bandone suntune bancjute de place.
Pene che al reste di bessôl su la bancjute, il pac di cjarte stampade al torne al trasformâsi intun gjornâl fintremai che no lu viôt un fantat, lu lei, e lu lasse trasformât une altre volte intun pac di cjarte stampade.
Pene che al reste di bessôl su la bancjute, il pac di cjarte stampade al torne a trasformâsi inmò une volte in gjornâl, fintremai che une vecjute no lu cjate, lu lei, e lu fâs deventâ un pac di cjarte stampade. Po dopo lu puarte cjase e dilunc la strade lu dopre par involuçâ un chilo di cartufulis, propite la robe che a coventin i gjornâi dopo i maraveôs cambiaments che o vin pene dite.
Conte Misteriose di… induvinâ tai coments
voltade par furlan di Rafaêl Serafin
8 comments On La conte misteriose (16): Il gjornâl gjornalmentri
ca nissun al induvine… un piçul jutori: e je une conte di un autôr dal sud americhe
Di non, al è Julio…
X
e mi sa che il nestri mister X a la sa…
Contàzar…
Contàzar invezit di Cortazar al è gjeniâl 😀
E just!
Alore no ducj i svaris a vegnin a câs, Contàzar a è cuasi Contecurtâr . Vîno di notâlu a Contecurte ?
fate! i telefonistu o jo 🙂
ma isal vif 😀
in ogni cas, induvinade
Julio Cortazar, al è l'autôr
Telefonât, rispuindût San Pieri, no i à dât il permès..