1066 ab Urbe condita
Maxentius al veve vinçût il so aversari. Il Tevere al partave vie tal so flus lis insegnis cu la crôs di Constantin. Cumò bastave nome regolâ une cuistion in Orient e alore lui al varès dominât dut il mont roman, lui, fi e erêt dal grant Maximianus. Al jere il câs di fâ un biel sacrifizi al Soreli.
2754 a.U.c.
Antonius al jere apene dismontât de sô veture a vapôr tal aeropuart di Ostia. Al mancjave pôc par che al partìs il grant balon/trireme diret in Orient. Ancjemò une cuistion cui Persians: une altre vuere dongje. Destinazion Ctesifonte. Il cjapitani de trireme aeree i de il benvignût cuntun biel “Gloria soli invicto, domine!”
Sì, e jere la dì dal solstizi di unvier; cui sa cemût che al sarès stât il clime in Mesopotamie, al pensà Antonius, di mistîr corispondent di vuere…
di Checo Tam
#403
3 comments On Sol invictus
Checo, a tu âs puartât dentri te contecurtegnove un gnûf gjenar leterari, il "fantalatinparfurlan". Nancje Julius Vernum il Vecjo la varès pensade cussì ben. Bepi
Biele!
Bepo, tu as reson. Vin di tornâ plui spes in Furlanie che di sigûr stan cambiant lis robis. I gnûfs gjenars leteraris e anticipin simpri gnovis in viste. Speriin ben par dabon, ssoredut pe zoventût.