Cence voi

Amedeo Modigiani, Jeanne Hébuterne cun cjapiele
(vueli su tele, 1918)
Biel al jere biel, Medeo, e al jere un sassin insospetabil, frêt, calcoladôr. 
Lis feminis par lui no jerin une ossessions, no jerin un suplizi; nol cjapave nissun gust viodilis sufrî, e pûr i gjavave i voi. No cuntun curtis, no cuntun piron o slambrant lis pupilis cu lis ongulis uçadis. Altris a vevin za fat chês robis e lui nol podeve sopuartâ la mancjance di origjinilitât.
Lui al doprave creance, atenzion, simpatie, ridadis e bussadis. Al jere come se, cuant che a cjalavin cualsisei altre persone, a deventavin vuarbis, cence pupilis.
Lis sôs vitimis a vevin voi dome par lui, che lis veve fatis inamorâ.
Contis dal ostîr
di Raffaele Serafini

3 coments On Cence voi

  • Biele tirade sui ritrats di Modigliani che di sigûr al mangjave i soi modei come chei altris e mangjavin lis lòrs pomis dopo vélis pituradis.
    Jaio

  • Vigje vuarbe a veve dome dôs fressuris al puest dai voi e a leve ator pal paîs cun tune cjapielate di stran par parâsi dal soreli ch’al centenave tal mês di Lui. E jere nassude cussì e nissun ai faseve câs parcè che je e saludave ducj cognossintju da vôs. A no podeve passâ cence fâsi inacuarzi, par vie de strasse di odôr che a lassave daûr e di cualchi magle licuide poiade ju stant in pîs tra une tape e che altre. Bepi

  • eh, ma cheste piturade i à gjavât voi e ancje alc di plui, jessint cemût che e à cjapade la sô muart. 🙁

    E su vigne vuarbe… ce storie! maraveose.

Lasse une rispueste:

La tô direzion di pueste eletroniche no sarà publicade.

This site uses Akismet to reduce spam. Learn how your comment data is processed.

Pît di Pagjine dal sît