Massanc
Tropis voltis lu vino doprât? Une vore!
Sedi par taiâ i fassuts, sedi par “parâ jù”, dopo vê taiât il bosc o seât cualchi morâr, il massanc a lu si cjate di spès insiemit a chei altris imprescj. Cul mani di len, (o di strichis di gome o plastiche, in cualchi câs) cui che lu à doprât si vise di sigure lis vissiis che i à fat vignî inte man. Par solit la lame e je taronde, e al è un imprest une vore dongje de roncee, che però e à la ponte a arc e a je plui cognossude. Ben po… il massanc, par talian, si clame PENNATO, ancje se e je une version plui doprade in Toscane, e par soliti lu si finìs par clamâlu roncola. E a nol un cjantant che si clame Edoardo, eh! Une curiositât lenghistiche e je che intal verp, massangâ, a torne fûr la “g” che invezit, in fin di peraule, da pont di viste grafic, e devente “c”. Ven a stâi: Nin tal cjamp a massangâ, cul massanc!
Cumiere
A son semenadis di pôc, e cualchidun, forsit, di piçul, si visarà di jessi stât “a rarî”. Chei che a lavorin tai cjamps, invezit, a san benissim che si à di lâ a solçâ. O cjacarin, al è clâr, des cumieris, “strichis di teren plui alt rispiet al nivel normâl dal cjamp e cjapadis dentri tra doi agârs paralêi” come che al dîs il dizionari.
8 comments On Cemût si disial par… talian? Massanc, cumiere
Bundì e buine setemane,
La etichete "Cemût si disial", e je interessant dal pont di viste che, a son imprescj e peraulis che za no si usin tant al dì di vuê. Jo, cul permès de Ostarie, o fasarai un bon ûs di lôr tal "Taller de furlan" che o ai inmaneât agns indaûr te Societât Furlane di Buenos Aires.
Galliano
Graciis Galliano! O ai plasê!
Difat, ancje se o sai che no son cuissà ce, dal pont di viste filologjic e leghistic, la fonde dai cemût si disial e je propite chê di cuncimâ une peraule che magari si sta secjant, a fuarce di no jessi bagnade dal ûs…
Cirarai di stâi daûr! 🙂
Dacuardi cun Galian e ancje miôr:Sul contignût di chest post, si puedarès tirâ fûr altre idee che forsit une dì cualchi ondefurlanâr al metarà su cun cualchi contecurtâr.
Le idee a é sempliç ma buine par difondi le culture furlane e le divulgazion de lenghe in plui di fà un program divertent e interesant da scoltâ.
Une volte par setemane, ae radio, si si cjate viers lis 5 di sere cui solits invidâts plui un ospit preseât tirât fûr de atualitât, de politiche e vie indenant. Il sens de ostarie nol sarès mâl par vie che si pues sintî i rumôrs dai veris che si jemplin, che si bêf, etc.etc. Cin cin!
Il condutôr dal program al comence par fâ une cjacarade sule atualitât e po al passe ae domande dal dí ch'al fâs ae comitive (e al public) ce che pensin di cheste peraule che in furlan si dîs Porca. Al puès zontâ: îsal un verp ch'al ûl dî blestemâ o un agjetîf ch'al ûl dî alcaltri? Ise une peraule che a é stade doprade recentementri da cualchi bande o une vecje peraule furlane par dî chest o chest altri?
Lis rispuestis di ognidun a puedin lâ sui doi minûts in mût che si puedi inventâ une storie verosimil
ma soredut inverosimil par disorientâ il public e soredut l'invidât dal dì e dulà che il bon umôr, lis referencis ae atualitât o ae storie taliane o furlane no an di mancjâ anzit a son conseadis. Ognidun al à di cirî di dî le sô ma fâle veramentri curte parce che te radio il timp al é inmò plui preseât par vie des necesitâts de tecniche.
Cuat che dutis lis rispuestis pusibils a son stadis letis o interpretadis dai autôrs o dal interprete locâl, Il Mike Bondì furlan ch'al mene il program al riasum le domande al invidât: Le peraule porca isal un agjetîf come ch'al pretint Toni, un verp come ch'al pretint Meni, un mût di dî come ch'al sigure Cute o un sinonim di cumiere come ch'al pretint inverosimilmentri il Zuant?
Lì, il suspens al finìs cule rispueste, buine o sbaliade dal invidât ma soredut dal public che fin lì al veve le sô opinion.
Inutil dî che tar chest program, ancje le publicitât a scuen sei par furlan parcé che a puedarès sei fate par judâ il public a cjatâ le rispueste.
Une prove, a puès sei fate subite domandant ai contecurtârs achi presints di inventâ une storie che somei vere se a é false o che somei false se a é vere e che no duri plui di 2 minûts di leture. Dutis lis referencis ae storie, atualitât a son permetudis par tirâ lis opinions de proprie bande e contredî le opinion dal vicin. Le fantasie e il umorism no son proibibîts, anzit.
Un salût a ducj,
Jaio
Il Massanc non si clame Pennato par talian, si clame MANARESSO!
relatf, il manaresso al jere lunc e al jere doprât par taiâ i cjâfs, al jere lunc e al è simil al machete, il pennato invezit al veve la pene parsore, e al jere doprât dome tal bosc. La forme dal nestri massanc e je chê dal pennato che al à pierdût la pene, stant che al ven doprât dai contadins e no dai boscadôrs, No vin fat un studi dal imprest, a dî il vêr. Se tu nus judassis o vin gust e o cambi il post subit. metinus la font, magari.
provait a cirî Pennato e Manaresso in internet e cjalait le figuris
pene che o vin timp o corezin, grassie! ancej se boh, il manaresso mi da dome imprescj dal piemont e nuie di furlan, mi ven il dubi che no esiste une tierce peraule par il massanc furlan, diferente sedi di pennato sedi di manaresso. :/
Mandi a ducj, o zonti che par talian par dî cumiere, dongje di PORCA si pues dî ancje PROSA. L’agâr invezit al è il SOLCO.
https://www.treccani.it/vocabolario/porca1
https://www.treccani.it/vocabolario/prosa2