Contecurte in vacance

Si sarês inacuarts che al è di un pôc che la Ostarie e je in polse.
Il cjalt, il sut, la umiditât… ce volêso, la Istât no je mai stade une buine stagjon pes Ostariis.
Ve chi che alore o vin decidût di lâ ancje noaltris in vacance.
Ce vulial dî? Che no si publichee nuie?
No, nol sarà cussì. Disin che, come che o vin fat l’an passât, o doprarin lis vacancis par tirâ lis contis de Ostarie viere, che aromai a son sparidis insiemit cun Splinder, ma che nô varessin di recuperâ cuasi dutis. No rivarin, pluitost, a cjatâ la stesse imagjine che e jere su la Osterie viere, ma o sperìn che nol sedi un probleme. Cussì, se o volês passâ di chês bandis ca ancje se al è cjalt e sut, o podarês cjatâ alc di lei che magari no si visavis o che no vevis let.
Un mandi a ducj e buinis vacancis!
Chei di Contecurte

3 coments On Contecurte in vacance

  • …O magari tornâ a lei lis contis che no si si vise plui di vêlis scritis:-)
    Jaio

  • Juste, Jaio, ancje par vie che l'umiditat e tire in ca il sciroc, che dopo il cil s'ingrope in un burlasc e… ustì, veh!, sperin che il Diaul si meti sot di une Madonne nere!
    Mandi e buine polse a duciis cun un tichinin di malizie ironiche!

  • Mandi Frank, o volevi dîti che nol sedi il câs di spandi une identitât françje, nete. Mica tu âs alc di pierdi; de bande mê mi e simpri plasût cjalâ les persones in muse, satu, une cimiade e val plui di tantis peraulis!
    Un salût a dûcj Maurizio Di Fant San Daniele Del Friuli difant.maurizio@alice.it

Lasse une rispueste:

La tô direzion di pueste eletroniche no sarà publicade.

This site uses Akismet to reduce spam. Learn how your comment data is processed.

Pît di Pagjine dal sît