E magari, dopo, su la Tiere e vignarà sù une cualchi creature mancul stupide dal om!!!!! Brâf Checo!
Trê gjai
Intun paîs dongje Sant Denêl a cjantavin trê gjaii. Il prin, che al stave tal gjalinâr de famee dai Cains, che e jere la plui pedoglose dal paîs, cuant che al vierzeve il bec al someave che cu la sô cjantose al volês contâ al mont la sô miserie. E ogni dî, tacant di buinore, buinore e lant indevant par dute la zornade al tacave cul so cjant: «……….tanteee miserieee……. tanteee miserieee…»
Chei altris doi gjaii, che lu cognossevin e che a savevin che Checo, il so paron, invezit di butâi tal gjalinâr cualchi asin di blave, i butave dentri stran, par sbefâlu, prime un, e dopo chel altri i rispuindevin: «la iseee? … … la iseee? … …» al tacave el prin e subit daûr i rispuendeve el secont: «ca di me! … … ca di me!… …»
Lôr a podevin sbefâlu e a jerin biei, sglonfs, passûts, circondâts di gjalinis, e ogni dì a becotavin blave, noli e cerfoi fresc. Sfidi: un al stave tal gjalinâr de famee dai Trotos, chel altri tal gjalinâr de famee dai Norâs, les famees dai bocons dal paîs.
Ma cheste volte, e je propit vere, che la cuaie no je lade simpri par chel agâr, a lu à saltât, e magari cussì no, si podarès dîsi, lu à propit saltât e strasaltât.
Vignudis les fiestis, chei doi cjapons che a passavin il lôr timp a sbefâ il gjal di Cain a son finîts prime cu les gjambis par aiar e a la fin te padiele. Invezit chel puaret, cence plumis, ma soredut sec e cence cicin tes cuessis, cussì al jere ridot, se vais in chel paîs lu sintîs ancjemò a cjantâ a la sô miserie.
di Nello Malisano
#118
3 comments
Lasse une rispueste
Dutis lis contis
Une vere conte da contâ.
Mi ricuarde un pôc che dal mus e dal purcit. in ogni câs a je ben contade.
Pauli Jacuss
E je la prime conte che o ai scrit par furlan.
Pauli gracie e sperin une dì di bevi un tai insieme
Nelodifeagne